ரஜினி நடிப்பில் தற்போது ‘ஜெயிலர்’ படம் உருவாகி வருகிறது. நீண்ட காலமாக படப்பிடிப்பில் இருக்கும் இந்தப்படத்தின் ரிலீசுக்காக ரசிகர்கள் பெரிதும் காத்திருக்கின்றனர். நெல்சன் திலீப்குமார் இயக்கத்தில் பல மொழிகளை சார்ந்த பிரபலங்கள் இந்தப்படத்தில் இணைந்து நடித்து வருகின்றனர். இந்நிலையில் ‘ஜெயிலர்’ படம் குறித்து வெளியாகியுள்ள புதிய தகவல் ரசிகர்கள் மத்தியில் எக்கச்சக்க எதிர்பார்ப்பினை கிளப்பி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ரஜினி கடைசியாக சிறுத்தை சிவா இயக்கத்தில் நடித்திருந்தார். இவர்களின் கூட்டணியில் கடந்த 2021 ஆம் ஆண்டு நயன்தாரா, கீர்த்தி சுரேஷ், மீனா, குஷ்பு உள்ளிட்டோர் நடிப்பில் ‘அண்ணாத்த’ படம் ரிலீசானது. தனது வழக்கமான பாணியில் அண்ணன், தங்கச்சி பாசத்தை மையமாக வைத்து இந்தப்படத்தை இயக்கினார் சிவா. வசூலில் ‘அண்ணாத்த’ படம் கலக்கினாலும் விமர்சனரீதியாக சறுக்கலை சந்தித்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து யாரும் எதிர்பார்க்காத விதமாக தனது அடுத்த படத்தை இயக்கும் வாய்ப்பை நெல்சன் திலீப்குமாருக்கு வழங்கினார் ரஜினி. கோலமாவு கோகிலா, டாக்டர் ப[போன்ற டார்க் காமெடி படங்களை இயக்கி ரசிகர்களை கவர்ந்த நெல்சன் இயக்கத்தில் தற்போது ரஜினி நடித்து வருவது ரசிகர்கள் மத்தியில் எதிர்பார்ப்பை கிளப்பியுள்ளது.
நெல்சன் கடைசியாக இயக்கியிருந்த ‘பீஸ்ட்’ படம் பல ட்ரோல்களை சந்தித்தால் ‘ஜெயிலர்’ படத்தை அதிக கவனத்துடன் இயக்கி வருகிறார். முழுக்க முழுக்க ஆக்ஷன் ஜானரில் உருவாகி வரும் இதன் படப்பிடிப்பு கடந்த சில மாதங்களாகவே விறுவிறுப்பாக நடந்து வருகிறது. நீண்ட இடைவேளைக்கு பிறகு ரம்யா கிருஷ்ணன் ரஜினியுடன் இணைந்து இந்தப்படத்தில் நடித்து வருகிறார். இவர்களுடன் தமன்னா, விநாயகன், வசந்த் ரவி, யோகி பாபு, மிர்னா உள்ளிட்டோர் நடித்து வருகின்றனர்.
அச்சு அசலாக அம்மாவை உரித்து வைத்திருக்கும் நடிகை ரம்பாவின் மகள்: ஆச்சரியத்தில் ரசிகர்கள்.!
மேலும் பிரபல மலையாள நடிகர் மோகன்லால், கன்னட பிரபலம் சிவராஜ்குமார், தெலுங்கு நடிகர் சுனில் மற்றும் பாலிவுட் நடிகர் ஜாக்கி ஷெரப் உள்ளிட்ட பல மொழிகளை சார்ந்த பிரபலங்கள் ‘ஜெயிலர்’ படத்தில் நடித்து வருகின்றனர். இந்நிலையில் இந்தப்படம் குறித்த லேட்டஸ்ட் அப்டேட்டை தனது இன்ஸ்டாகிராம் பக்கத்தில் பகிர்ந்துள்ளார் நடிகை தமன்னா.
அதன்படி இந்தப்படத்திற்காக பிரம்மாண்டமாக உருவாக்கப்படும் பாடலுக்காக ரிகர்சலில் ஈடுபடும் புகைப்படத்தை பகிர்ந்துள்ளார் தமன்னா. இதில் நூற்றுக்கணக்கான டான்சர்கள் பயிற்சியில் ஈடுபட, அவர்களை இயக்குனர் நெல்சன் கவனித்து கொண்டிருக்கிறார். இணையத்தில் வைரலாகும் இந்த புகைப்படம் ரசிகர்கள் மத்தியில் உச்சக்கட்ட எதிர்பார்ப்பினை கிளப்பியுள்ளது. சன் பிக்சர்ஸ் தயாரிப்பில் உருவாகி வரும் ‘ஜெயிலர்’ படம் ஆகஸ்ட் 10 ஆம் தேதி ரிலீசாகவுள்ளது குறிப்பிடத்தக்கது.
Theera Kaadhal: ஜெய் – ஐஸ்வர்யா ராஜேஷுக்கு வெற்றி கொடுத்ததா.?: ‘தீராக் காதல்’ பட விமர்சனம்.!