இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
கடந்த 2011ம் ஆண்டு வெளியான எங்கேயும் எப்போதும் படம் மூலம் தமிழ் திரையுலக ரசிகர்களை கவர்ந்தவர் தெலுங்கு நடிகரான ஷர்வானந்த். அவர் சென்ற கார் விபத்துக்குள்ளாகியிருக்கிறது.
விஜய்யை புகழ்ந்த மிஸ்கின்!
நேற்று இரவு 2 மணி அளவில் ஹைதராபாத்தில் இருக்கும் ஃபிலிம் நகர் ஜங்க்ஷனில் தனது ரேஞ்ச் ரோவர் காரில் சென்றிருக்கிறார் ஷர்வானந்த். காரை அவரே ஓட்டிச் சென்றிருக்கிறார். அப்பொழுது தவறான பாதையில் வந்த பைக்குடன் மோதுவதை தவிர்க்க முயற்சி செய்தாராம் ஷர்வானந்த். அந்த நேரத்தில் கார் கட்டுப்பாட்டை இழந்து டிவைடரில் மோதியது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்த விபத்தில் காயம் அடைந்தார் ஷர்வானந்த். சம்பவம் நடந்த இடத்தில் இருந்தவர்கள் ஓடி வந்து தக்க சமயத்தில் ஷர்வானந்தை மருத்துவமனையில் சேர்த்தார்கள் என முதலில் தகவல் வெளியானது.
ஆனால் ஷர்வானந்துக்கு காயம் எதுவும் இல்லை. அவரை மருத்துவமனையில் அனுமதிக்கவில்லை என அவரின் குழு தெரிவித்துள்ளது. ஷர்வானந்த் நலமாக இருக்கிறார். அவரை பற்றி வதந்தி பரப்ப வேண்டாம் என்று ஷர்வானந்தின் குழு கேட்டுக் கொண்டிருக்கிறது.
ஷர்வானந்துக்கும், ரக்ஷிதா ரெட்டிக்கும் ஜூன் 3ம் தேதி திருமணம் நடக்கவிருக்கிறது. ராஜஸ்தான் மாநிலம் ஜெய்பூரில் இருக்கும் லீலா பேலஸில் தான் ஷர்வானந்த், ரக்ஷிதா ரெட்டியின் திருமணம் பிரமாண்டமாக நடைபெறுகிறது.
ஜூன் 2ம் தேதி மெஹந்தி நிகழ்ச்சி நடக்கிறதாம். முன்னதாக கடந்த ஜனவரி மாதம் ஹைதராபாத்தில் வைத்து ஷர்வானந்துக்கும், ரக்ஷிதா ரெட்டிக்கும் நிச்சதார்த்தம் நடந்தது. அதில் நடிகர்கள் ராம் சரண், சித்தார்த் உள்ளிட்டோர் கலந்து கொண்டார்கள்.
இந்நிலையில் ஷர்வானந்துக்கும், ரக்ஷிதா ரெட்டிக்கும் இடையே பிரச்சனை ஏற்பட்டு திருமணத்தை நிறுத்திவிட்டார்கள் என அண்மையில் தகவல் வெளியாகி தீயாக பரவியது.
இது குறித்து ஷர்வானந்துக்கு நெருக்கமான ஒருவரிடம் கேட்டதற்கு, திருமணம் நிற்கவில்லை என்றார்.
அந்த நபர் மேலும் கூறியதாவது,
ஷர்வானந்தும், ரக்ஷிதா ரெட்டியும் சந்தோஷமாக இருக்கிறார்கள். திருமணம் நின்றுவிட்டதாக வெளியான தகவலில் உண்மை இல்லை.
ஸ்ரீராம் ஆதித்யாவின் பட ஷூட்டிங்கில் பிசியாக இருக்கிறார் ஷர்வானந்த். லண்டனில் 40 நாட்கள் படப்பிடிப்பில் கலந்து கொண்டார். கடந்த சில நாட்களுக்கு முன்பு தான் ஹைதராபாத் திரும்பினார். அவர் ஹைதராபாத் வந்துவிட்டதால் இரண்டு குடும்பங்களும் கலந்து பேசி திருமண தேதியை முடிவு செய்து அதிகாரப்பூர்வ அறிவிப்பு வெளியிடுவார்கள் என்றார்.
அவர் சொன்னது போன்றே திருமண தேதி குறித்து அறிவிப்பு வெளியானது. திருமணத்திற்கு நான்கு நாட்களே இருக்கும் நிலையில் ஷர்வானந்த் விபத்தில் சிக்கியது ரசிகர்களை கவலை அடைய செய்துள்ளது. கல்யாண தேதி நெருங்கிவிட்டது, இரவு நேரத்தில் வெளியே செல்ல வேண்டாம். ஜாக்கிரதையாக இருங்கள்.
கோவிலுக்கு சென்று ஒரு பூஜை செய்துவிட்டு ஜெய்பூருக்கு கிளம்புங்கள் அண்ணா என ரசிகர்கள் தெரிவித்துள்ளனர்.
Sharwanand Wife: புடுச்சாலும் புளியங்கொம்பாக புடுச்ச ஷர்வானந்த்: பொண்ணு யார்னு தெரியுமா?!
ஷர்வானந்தின் வருங்கால மனைவியான ரக்ஷிதா ரெட்டி அமெரிக்காவில் வேலை செய்து வருகிறார். மறைந்த முன்னாள் அமைச்சரான போஜ்ஜல கோபால கிருஷ்ண ரெட்டி தான் ரக்ஷிதாவின் தாத்தா ஆவார்.
ரக்ஷிதா ரெட்டியின் தந்தை மதுசூதன் ரெட்டி ஆந்திர மாநில உயர் நீதிமன்றத்தில் வழக்கறிஞராக இருக்கிறார்.