இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விக்ரம் படத்தின் வெற்றிக்கு பிறகு தற்போது மீண்டும் புது உத்வேகத்துடன் செயல்பட்டு வருகின்றார்
கமல்
. தன் படைப்புகளின் மூலம் தமிழ் சினிமாவை அடுத்தகட்டத்துக்கு கொண்டு சென்ற கமல் இடையில் நான்கு ஆண்டுகள் படங்களில் நடிக்காமல் இருந்து வந்தார். இது அவரது ரசிகர்களுக்கு மட்டுமின்றி ஒட்டுமொத்த ரசிகர்களுக்கும் வருத்தமாக இருந்தது.
அரசியலில் தீவிரமாக இறங்கிய கமல் இனி படங்களில் நடிக்கமாட்டார் என்ற பேச்சுக்கள் எல்லாம் போய்க்கொண்டிருந்தன. அந்த சமயத்தில் தான் விக்ரம் படத்தின் அறிவிப்பை வெளியிட்டு அனைத்து விமர்சனங்களுக்கும் பதிலடி கொடுத்தார் கமல். மேலும் அப்படம் மிகப்பெரிய வெற்றியை பெறவே தமிழ் சினிமாவில் அடுத்த ரவுண்டிற்கு தயாரானார் உலகநாயகன்.
Rajini: ரிலீசுக்கு முன்பே சாதனை படைத்த ஜெயிலர்..தன் கெத்தை நிரூபித்த தலைவர்..!
லோகேஷ் இயக்கத்தில் கமலே தாயரித்து நடித்த அப்படம் கடந்தாண்டு வெளியாகி மாஸ் ஹிட்டடித்தது. இதையடுத்து தற்போது அடுத்தடுத்து படங்களில் கமிட்டாகி பிசியாக இருந்து வருகின்றார் கமல். நடிப்பது மட்டுமல்லாமல் தன் ராஜ் கமல் பிலிம்ஸ் சார்பாக பல படங்களை தயாரித்தும் வருகின்றார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அந்த வகையில் சிவகார்த்திகேயனின் ஒரு படம் மற்றும் சிம்புவின் ஒரு படம் என ஒரே சமயத்தில் இரு படங்களை தயாரித்து வருகின்றார் கமல். இதை தவிர்த்து பல படங்களை தயாரிக்கவும் பேச்சுவார்த்தையில் ஈடுபட்டு வருகின்றார். இது ஒருபக்கம் இருக்க மறுபக்கம் நடிப்பிலும் அதிக கவனம் செலுத்தி வருகின்றார்.
தற்போது ஷங்கரின் இயக்கத்தில் இந்தியன் 2 படத்தில் நடித்து வரும் கமல் அடுத்ததாக மணிரத்னத்தின் இயக்கத்தில் தன் 234 ஆவது படத்திலும் நடிக்கவுள்ளார். நாயகன் படத்திற்கு பிறகு மீண்டும் இணையும் இக்கூட்டணி ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ளது.
தமிழ் சினிமாவிற்கு மட்டுமல்லாமல் இந்திய சினிமாவிற்கே பெருமை சேர்க்கும் ஒரு படைப்பான நாயகன் என்ற படத்தை உருவாக்கிய கூட்டணி பல வருடங்களுக்கு பிறகு மீண்டும் இணைந்துள்ளது இந்திய திரையுலகின் மத்தியில் மிகப்பெரிய எதிர்பார்ப்பை ஏற்படுத்தியுள்ளது.
இந்நிலையில் சமீபத்தில் இப்படத்தை பற்றி பேசிய கமல், தற்போது மணிரத்னம் படத்திற்கான வேலைகள் போய்க்கொண்டிருக்கின்றன. ரசிகர்களின் எதிர்பார்பால் சற்று பதட்டமாக இருந்தாலும் நிதானமாகவே வேலை செய்து வருகின்றோம். நாயகன் படத்தில் எப்படி பணியாற்றினோமே அதே போல தான் இம்முறையும் பணியாற்றி வருகின்றோம் என்றார் கமல்ஹாசன்.
இதைவைத்து பார்க்கையில் நாயகன் போலவே ஒரு தரமான சம்பவத்திற்கு ஆண்டவர் தயாராக இருக்கின்றார் என ரசிகர்கள் எதிர்பார்ப்பில் இருக்கின்றனர். இந்நிலையில் இப்படத்தை ராஜ் கமல் பிலிம்ஸ், மணிரத்னத்தின் மெட்ராஸ் டாக்கீஸ் உடன் இணைந்து உதயநிதியும் தயாரிக்க இருக்கின்றார் என்பது குறிப்பிடத்தக்கது.