இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
வித்யாசம்யாரிடமும் உதவி இயக்குனராக பணியாற்றாமல் சென்னை 28 என்ற படத்தின் மூலம் இயக்குனராக அறிமுகமாகி வெற்றிகண்டார் வெங்கட் பிரபு. அதைத்தொடர்ந்து அவர் இயக்கிய அனைத்து படங்களும் வித்தியாசமாகவும் ரசிகர்களை ஈர்க்கும் படியாகவும் அமைந்துள்ளன. குறிப்பாக மங்காத்தா, மாநாடு போன்ற படங்களை வித்யாசமான கதைக்களத்தில் உருவாக்கி ரசிகர்களை அப்படங்களை கொண்டாடச்செய்தார் வெங்கட் பிரபு. என்னதான் இவரின் ஒரு சில படங்கள் வசூல் ரீதியாக வெற்றிபெறவில்லை என்றாலும் வெங்கட் பிரபுவின் படங்களுக்கு என்றே தனி ஒரு ரசிகர்கள் கூட்டம் இருந்து வருகின்றது
கம்பாக்மங்காத்தா படத்திற்கு பிறகு வெங்கட் பிரபு இயக்கத்தில் வெளியான பிரியாணி, மாஸ் ஆகிய திரைப்படங்கள் தோல்வியை சந்தித்தன. எனவே கட்டாய வெற்றிக்காக போராடிவந்த வெங்கட் பிரபு சென்னை 28 படத்தின் இரண்டாம் பாகம் மூலம் மீண்டும் வெற்றிப்பாதைக்கு திரும்பினார். இப்படத்தை இயக்கியது மட்டுமல்லாமல் வெங்கட் பிரபுவே தயாரித்தும் இருந்தார். இதையடுத்து சிம்புவை வைத்து இவர் இயக்கிய மாநாடு திரைப்படம் மாபெரும் வெற்றியை பெற்றது. இப்படம் சிம்புவிற்கு மட்டுமல்லாமல் வெங்கட் பிரபுவிற்கு திருப்புமுனையை ஏற்படுத்தி கொடுத்த படமாக அமைந்தது
வாய்ப்புசமீபத்தில் வெங்கட் பிரபு இயக்கத்தில் வெளியான கஸ்டடி திரைப்படம் தோல்விப்படமாக அமைந்துள்ளது. இருந்தாலும் வெங்கட் பிரபுவிற்கு தற்போது விஜய்யை இயக்கும் வாய்ப்பு கிடைத்துள்ளது. லியோ படத்திற்கு பிறகு விஜய் நடிக்கவுள்ள தளபதி 68 படத்தை இயக்கும் வாய்ப்பு தற்போது வெங்கட் பிரபுவிற்கு கிடைத்துள்ளது. அஜித்திற்கு ஒரு மங்காத்தா, சிம்புவிற்கு ஒரு மாநாடு போன்ற வெற்றிகளை கொடுத்த வெங்கட் பிரபு விஜய்க்கும் ஒரு தரமான ஒரு ஹிட் படத்தை கொடுப்பார் என எதிர்பார்க்கப்படுகின்றது. இப்படத்தின் அறிவிப்பு கடந்த வாரம் வெளியான நிலையில் படத்தின் அடுத்தகட்ட அறிவிப்புகள் விஜய்யின் பிறந்தநாளான ஜூன் 22 ஆம் தேதி வெளியாகும் என எதிர்பார்க்கப்படுகின்றது. மேலும் செப்டம்பர் மாதம் இப்படத்தின் படப்பிடிப்பு துவங்கும் எனவும் தெரிகின்றது
ஆச்சர்யத்தில் கோலிவுட்சென்னை 28 படத்தின் மூலம் அறிமுகமான வெங்கட் பிரபு கடந்த 17 ஆண்டுகளாக தமிழ் சினிமாவில் வெற்றி இயக்குனராக வலம் வருகின்றார். மேலும் கஸ்டடி படத்தின் மூலம் தற்போது தெலுங்கு திரையுலகிலும் அறிமுகமாகியுள்ளார் வெங்கட் பிரபு. இப்படி இருக்கையில் விஜய்யின் தளபதி 68 படத்தை இயக்கவுள்ள வெங்கட் பிரபு இப்படத்திற்காக வாங்கவுள்ள சம்பளம் தான் பலருக்கும் ஆச்சர்யமாக இருக்கின்றது. அதாவது தளபதி 68 படத்திற்காக வெங்கட் பிரபு பத்து கோடி தான் சம்பளமாக வாங்குகின்றாராம். தமிழ் சினிமாவில் முன்னணி இயக்குனர்களில் ஒருவரான வெங்கட் பிரபு குறைவான சம்பளத்தை வாங்குவது பலருக்கும் ஆச்சர்யமாக இருக்கின்றது. இது ஒருபக்கம் இருக்க சம்பளத்தில் பெரிதாக வெங்கட் பிரபு கண்டுகொள்ளாமல் இருப்பதை பார்த்து ஒட்டுமொத்த திரையுலகமும் அவரை பாராட்டி வருகின்றது என்பது குறிப்பிடத்தக்கது