இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
உலகநாயகன் கமல்ஹாசன் விக்ரம் படத்திற்கு பிறகு செம பிசியாக இயங்கி வருகின்றார். இடையில் நான்கு ஆண்டுகள் படமே நடிக்காமல் இருந்து வந்த கமல்ஹாசன் விக்ரம் படத்தின் மூலம் மீண்டும் நடிப்பில் கவனம் செலுத்த துவங்கினார். லோகேஷ் கனகராஜ் இயக்கத்தில் வெளியான அப்படம் மிகப்பெரிய வெற்றியை பெற்று கமலுக்கு பல கோடி லாபத்தை ஈட்டு தந்தது.
இதைத்தொடர்ந்து மீண்டும் படங்களில் பிசியாக நடிக்க துவங்கியுள்ளார்
கமல்
. அந்த வகையில் தற்போது ஷங்கரின் இயக்கத்தில் உருவாகும் இந்தியன் 2 படத்தில் நடித்து வருகின்றார். மிகப்பிரம்மாண்டமாக உருவாகி வரும் இப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது.
Thalapathy 68: தளபதி 68 கதைக்களம்..விட்டதை பிடிக்க நினைக்கும் தளபதி..!
அடுத்தாண்டு துவங்கத்தில் இப்படம் வெளியாகும் எனவும் எதிர்பார்க்கப்படுகின்றது. இதையடுத்து கமல் வினோத்தின் இயக்கத்தில் ஒரு படத்திலும், லோகேஷ் கனகராஜின் இயக்கத்தில் ஒரு படத்தில் நடிக்க இருக்கின்றார். இதில் வினோத்தின் இயக்கத்தில் உருவாகும் படத்தை குறுகிய காலத்திற்குள் முடிக்க திட்டமிட்டுள்ளார் கமல்.
பாபநாசம் படத்தை போல மினிமம் பட்ஜெட்டில் ஒரு படத்தை கமல் உருவாக்க இருக்கின்றார். தற்போது அதற்கான பணிகளில் வினோத் தீவிரமாக செயல்பட்டு வருகின்றார். இதெல்லாம் ஒருபக்கம் இருக்க தற்போது வந்த செய்தி ஒன்று கோலிவுட் வட்டாரத்தை ஆச்சர்யத்தில் ஆழ்த்தியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அதாவது பிரபாஸ் நடிப்பில் உருவாகும் ப்ராஜெக்ட் கே என்ற படத்தில் கமல் வில்லனாக நடிப்பதாகவும் ,இதில் வில்லனாக நடிக்க கமலுக்கு 150 கோடி சம்பளமாக கொடுக்கப்பட இருப்பதாகவும் செய்திகள் வந்துள்ளன. நாக் அஸ்வின் இயக்கத்தில் உருவாகும் ப்ராஜெக்ட் கே என்ற திரைப்படம் பான் இந்திய படமாக உருவாகி வருகின்றது.
இதில் ஏற்கனவே தீபிகா படுகோனே, அமிதாப் பச்சன் ஆகியோர் நடிக்கவுள்ள நிலையில் தற்போது உலகநாயகன் கமலும் இணைந்துள்ளார். இப்படத்தில் நடிப்பதற்காக கமல் மொத்தம் 20 நாள் கால்ஷீட் கொடுத்ததாகவும், அதற்கு 150 கோடி கமலுக்கு சம்பளமாக வழங்கப்பட இருப்பதாகவும் தகவல்கள் வருகின்றன.
குறிப்பாக கமல் இப்படத்தில் வில்லனாக மிரட்ட இருக்கிறாராம். இந்த தகவல் தான் தற்போது கோலிவுட் வட்டாரத்தில் பரபரப்பாக பேசப்பட்டு வருகின்றது. இது ஒருவேளை உண்மையானால் விரைவில் அதிகாரபூர்வமான அறிவிப்பு வெளியாகும் என எதிர்பார்க்கப்படுகின்றது.