இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தனுஷ் தற்போது அருண் மாதீஸ்வரன் இயக்கத்தில் உருவாகும் கேப்டன் மில்லர் படத்தில் நடித்து வருகின்றார். சமீபகாலமாக தனுஷின் படங்கள் தொடர்ந்து வெற்றிகளை பெற்று வருவதால் இப்படத்தின் மீது ரசிகர்களின் எதிர்பார்ப்பு இருந்து வருகின்றது.
மேலும் இப்படத்திற்காக தனுஷ் தன் கெட்டப்பையே மாற்றி வேறொரு ஆளாக காட்சியளிக்கின்றார். மேலும் இப்படம் பான் இந்திய படமாகவும் உருவாகி வருகின்றது. இந்நிலையில் இப்படம் தீபாவளி பண்டிகையை முன்னிட்டு வெளியாகும் என பேசப்பட்டு வரும் நிலையில் அடுத்த மாதம் இப்படத்தின் முழு படப்பிடிப்பும் முடிவடைய இருக்கின்றது.
Vijay: விஜய்யின் சம்பளம் அதிகரிக்க இவர் தான் காரணமா ?மாஸ்டர் பிளானா இருக்கே..!
இதையடுத்து தனுஷ் தன் ஐம்பதாவது படத்தின் வேலைகளை துவங்குவார் என எதிர்பார்க்கப்படுகின்றது. பா.பாண்டி படத்தின் மூலம் இயக்குனராக அறிமுகமாகி வெற்றிகண்ட தனுஷ் மீண்டும் தன் ஐம்பதாவது படத்தின் மூலம் இயக்குனராக களமிறங்கவுள்ளார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் மிகப்பெரிய பட்ஜெட்டில் இப்படம் உருவாக இருக்கின்றது. தனுஷின் திரைப்பயணத்திலேயே இப்படம் தான் அதிக பொருட்ச்செலவில் உருவாகும் படமாக இருக்கும் என பேசப்பட்டு வருகின்றது. இந்நிலையில் கேங்ஸ்டர் கதைக்களத்தில் உருவாகும் இப்படத்தில் எஸ்.ஜெ சூர்யா மிக முக்கியமான ரோலில் நடிக்கின்றார்.
இதைத்தவிர சந்தீப் கிஷன் மற்றும் விஷ்ணு விஷால் ஆகியோரும் இப்படத்தில் நடிக்கயிருப்பதாக தகவல்கள் வருகின்றன. எனவே ஒரு மல்டி ஸ்டாரர் படமாக உருவாகும் இப்படத்தை ரசிகர்கள் ஆவலாக எதிர்பார்த்து காத்துக்கொண்டிருக்கின்றனர். அந்த வகையில் தற்போது வெளியான ஒரு தகவல் மேலும் இப்படத்தின் மீதான எதிர்பார்ப்பை அதிகரித்துள்ளது.
அதாவது தனுஷின் D50 படத்தில் தனுஷிற்கு ஜோடியாக த்ரிஷா நடிக்கவிருப்பதாக தகவல்கள் வருகின்றன. ஏற்கனவே கொடி என்ற படத்தில் தனுஷ் மற்றும் த்ரிஷா இணைந்து நடித்துள்ள நிலையில் தற்போது மீண்டும் இக்கூட்டணி D50 படத்தின் மூலம் இணையவுள்ளது.
சமீபகாலமாக த்ரிஷா பெரிய பட்ஜெட் படங்களில் நடிக்க கமிட்டாகி வருகின்றார். பொன்னியின் செல்வன் படத்தை தொடர்ந்து த்ரிஷா விஜய்யுடன் இணைந்து லியோ படத்திலும் நடித்து வருகின்றார். இதையடுத்து தற்போது அஜித்தின் விடாமுயற்சி படத்திலும் த்ரிஷா நடிக்கவுள்ளதாக செய்திகள் வர தற்போது தனுஷின் D50 படத்திலும் த்ரிஷா நடிக்கயிருப்பதாக வந்த தகவல் ரசிகர்களின் எதிர்பார்ப்பை அதிகரித்துள்ளது குறிப்பிடத்தக்கது.