உதயநிதி ஸ்டாலினின் நடிப்பில் உருவாகியுள்ள படம் ‘மாமன்னன்’. மாரி செல்வராஜ் இயக்கியுள்ள இந்தப்படத்தின் இசை வெளியீட்டு விழா நேற்றைய தினாம் நடைபெற்றது. இவ்விழாவில் கமல், சிவகார்த்திகேயன், எஸ்.ஜே. சூர்யா, விஜய் ஆண்டனி உள்ளிட்ட பலர் கலந்துகொண்டனர். இவ்விழாவில் எதிர்காலத்தில் சினிமாவில் நடிப்பது குறித்து
உதயநிதி ஸ்டாலின்
பேசியுள்ளது இணையத்தில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் சினிமாவில் நடிகராகவும், ரெட் ஜெயண்ட் மூவிஸ் நிறுவனத்தை நிர்வகிப்பவராகவும் திகழ்ந்தவர் உதயநிதி ஸ்டாலின். தனது நிறுவனத்தின் மூலம் பல படங்களின் திரையரங்கு ரிலீஸ் உரிமையை பெற்று, அந்த படங்களை வெளியிடவும் செய்தார். அண்மையில் அமைச்சாராக பொறுப்பேற்ற உதயநிதி, தீவிர அரசியலில் ஈடுபடுவதாக கூறி, சினிமாவை விட்டு முழுமையாக விலகினார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து உதயநிதி நடிப்பில் உருவாகியிருந்த கலகலத்தலைவன், கண்ணை நம்பாதே போன்ற படங்களில் ரிலீஸ் ஆனது. மேலும், உதயநிதி கடைசி படமாக ‘மாமன்னன்’ படம் உருவாகியுள்ளது. மாரி செல்வராஜ் இயக்கியுள்ள இந்தப்படத்தில் கீர்த்தி சுரேஷ், பகத் பாசில் உள்ளிட்டோர் நடித்துள்ளனர். இவர்களுடன் வடிவேலு மிக முக்கியமான கதாபாத்திரம் ஒன்றில் இந்தப்படத்தில் நடித்துள்ளார். இசைப்புயல் ஏ.ஆர். ரஹ்மான் ‘மாமன்னன்’ படத்திற்கு இசையமைத்துள்ளார்.
பரியேறும் பெருமாள், கர்ணன் படங்களின் வாயிலாக அழுத்தமான அரசியலை பேசிய மாரி செல்வராஜ் இயக்கத்தில் உதயநிதி நடித்துள்ளது ரசிகர்கள் மத்தியில் எக்கச்சக்கமான எதிர்பார்ப்பை கிளப்பியுள்ளது. மேலும் வடிவேலு தனது ரீ என்ட்ரிக்கு பிறகு முழுக்க முழுக்க வேறு பாணியில் இந்தப்படத்தில் நடித்துள்ளார். இந்நிலையில் இந்தப்படத்தின் இசை வெளியீட்டு விழா நேற்றைய தினம் சென்னையில் நேரு உள்விளையாட்டு அரங்கத்தில் பிரம்மாண்டமாக நடந்தது.
Jailer: இப்பவே ரிசல்ட் தெரியுது.. முழு எனர்ஜியில் தலைவர்: ‘ஜெயிலர்’ படத்தின் மாஸ் அப்டேட்.!
இவ்விழாவில் பேசிய நடிகரும் அமைச்சருமான உதயநிதி ஸ்டாலின், மாரி செல்வராஜ் படங்களில் என்ன எதிர்பார்க்கபடுமோ, அதெல்லாம் இருக்கிறது. ராஜ் கமல் நிறுவனத்தில் தயாரிப்பில் ஒரு படம் நடிக்க திட்டமிட்டோம். ஆனால் அமைச்சராக இருந்து கொண்டு நடிப்பது சரியாக இருக்காது என்பதால் கைவிட்டு விட்டோம். எனக்கு தெரிந்த ‘மாமன்னன்’ படம் தான் என்னுடைய கடைசி படம் என நினைக்கிறேன்.
ஒரு நல்ல படம் கடைசி படமாக அமைந்ததில் மகிழ்ச்சி. அமைச்சராக இருக்கும் அடுத்த முன்று ஆண்டுகளுக்கு எந்த படத்திலும் நடிக்கவில்லை. அதற்கு பின்னர் நான் நடிப்பதை மக்கள் தான் முடிவு செய்வார்கள். அப்படி மீண்டும் நடித்தால் உங்கள் இயக்கத்தில் தான் நடிப்பேன் என மாரி செல்வராஜிடம் வாக்குறுதி அளித்துள்ளேன். ‘மாமன்னன்’ வரும் ஜுன் 29 ஆம் தேதி வெளியிட முடிவு செய்துள்ளோம். இவ்வாறு தெரிவித்துள்ளார் உதயநிதி ஸ்டாலின்.
Vijay: தங்கைக்கு வாழ்த்து தெரிவித்து மாலை அணிவித்த தளபதியின் மகன்: தீயாய் பரவும் வீடியோ.!