வாட்டர் ப்ரூஃப் ஸ்மார்ட்போன்கள் இன்றைய டிரெண்டில் உள்ளன. கிட்டத்தட்ட எல்லா நிறுவனங்களின் போன்களும் ஐபி மதிப்பீட்டில் வருகின்றன. இந்த வகையில் ஆப்பிளின் ஐபோன்கள் வலிமையானதாகக் கருதப்படுகிறது. ஐபோன் தண்ணீரில் விழுந்தாலும் சூப்பராக வொர்க் ஆகும். இந்தப் பிரிவில் நோக்கியா போன்கள் வலிமையானவை என்று ஒரு காலத்தில் கருதப்பட்டது. அந்த இடத்தை ஆப்பிள் போன் பிடித்த நிலையில், மீண்டும் நோக்கியா அத்தகைய போன்களை கொண்டு வருகிறது.
நோக்கியா XR21 மொபைல் மிகச்சிறந்த வாட்டர் ப்ரூப் மொபைல் என்ற பெயரை எடுத்துள்ளது. ஏற்கனவே இங்கிலாந்தில் அறிமுகப்படுத்தப்பட்ட இந்த மொபைல் இப்போது அமெரிக்காவில் அறிமுகப்படுத்தியுள்ளது நோக்கியா நிறுவனம். ஃபோன் IP69K ரேட்டிங், டிஸ்ப்ளேவில் கொரில்லா கிளாஸ் விக்டஸ் பாதுகாப்பு மற்றும் MIL-STD-810H சான்றிதழையும் பெற்றுள்ளது.
நோக்கியா XR21 விவரக்குறிப்புகள்
எச்எம்டி குளோபல் நிறுவனத்தின் நோக்கியா எக்ஸ்ஆர்21 வலிமையான ஸ்மார்ட்போன் ஆகும். இது தூசி, நீர் மற்றும் சொட்டுகளுக்கு எதிரான பாதுகாப்பிற்காக IP69K- சான்றிதழைப் பெற்றுள்ளது. கொரில்லா கிளாஸ் விக்டஸ்-பாதுகாக்கப்பட்ட எல்சிடி டிஸ்ப்ளே ஸ்மார்ட்போனில் கிடைக்கிறது, இது 6.49 இன்ச் அளவு கொண்டது. பேனலில் FHD + தெளிவுத்திறன், 120Hz புதுப்பிப்பு வீதம், 550 nits உச்ச பிரகாசம் உள்ளது. இது பக்கவாட்டில் பொருத்தப்பட்ட கைரேகை ஸ்கேனர் மற்றும் இரண்டு நிரல்படுத்தக்கூடிய பொத்தான்களைக் கொண்டுள்ளது. ஸ்மார்ட்போன் 100 சதவீதம் மறுசுழற்சி செய்யப்பட்ட அலுமினியம் சேஸ் மற்றும் கடினமான பொருட்களைப் பயன்படுத்துகிறது.
நோக்கியா XR21 கேமரா
நோக்கியா XR21 ஆனது 64MP ப்ரைமரி சென்சார் மற்றும் 8MP அல்ட்ரா-வைட்-ஆங்கிள் லென்ஸ் மற்றும் LED ஃபிளாஷ் யூனிட் கொண்ட இரட்டை பின்புற கேமரா அமைப்பைக் கொண்டுள்ளது. செல்ஃபிக்கு 16எம்பி ஷூட்டரைப் பெறுவீர்கள். இது ஸ்னாப்டிராகன் 695 செயலி மூலம் இயக்கப்படுகிறது, 6ஜிபி ரேம் மற்றும் 128ஜிபி உள் சேமிப்பகத்துடன் இணைக்கப்பட்டுள்ளது.
நோக்கியா XR21 பேட்டரி
நோக்கியா XR21 ஆனது 33W ஃபாஸ்ட் சார்ஜிங் ஆதரவுடன் 4,800mAh பேட்டரியைக் கொண்டுள்ளது. இது ஆண்ட்ராய்டு 12 OS இல் இயங்குகிறது மற்றும் மூன்று வருட OS மற்றும் நான்கு வருட பாதுகாப்பு புதுப்பிப்புகளைப் பெறுவதாக உறுதியளிக்கப்பட்டுள்ளது. ஸ்டீரியோ ஸ்பீக்கர்கள், 3.5mm ஜாக், USB-C போர்ட், NavIC, 5G, WiFi மற்றும் ப்ளூடூத் 5.1 ஆகியவை போனில் கிடைக்கின்றன. அமெரிக்காவில் இதன் விலை சுமார் 41 ஆயிரம் ரூபாய்.