ரஜினி நடிப்பில் தற்போது ‘ஜெயிலர்’ படம் உருவாகி வருகிறது. நெல்சன் திலீப்குமார் இயக்கி வரும் இதன் படப்பிடிப்பு கடந்த சில மாதங்களாக மும்முரமாக நடந்து வந்தது. இதனையடுத்து அண்மையில் ‘ஜெயிலர்’ ஷுட்டிங் முழுமையாக நிறைவடைந்தது. இந்நிலையில் இந்தப்படம் குறித்து தற்போது வெளியாகியுள்ள லேட்டஸ்ட் தகவல் சோஷியல் மீடியாவில் வைரலாகி வருகிறது.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
கடந்த 2021 ஆம் ஆண்டு ரஜினி நடிப்பில் கடைசியாக ‘அண்ணாத்த’ படம் வெளியாகியிருந்தது. நயன்தாரா, கீர்த்தி சுரேஷ், குஷ்பு, மீனா உள்ளிட்ட பலர் இந்தப்படத்தில் நடித்திருந்தனர். சிறுத்தை சிவா பாணியில் பேமிலி டிராமாக வெளியான ‘அண்ணாத்த’ படம் ரஜினி ரசிகர்கள் மத்தியில் பெரிதான வரவேற்பை பெறாமல் போனது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் இளம் இயக்குனரான நெல்சன் திலீப்குமார் இயக்கத்தில் தனது அடுத்த படத்தில் நடிக்க ஆரம்பித்தார். கோலமாவு கோகிலா, டாக்டர் போன்ற டார்க் காமெடி படங்களை இயக்கி வரவேற்பை பெற நெல்சன் இயக்கத்தில் ரஜினி நடித்து வருவது ரசிகர்கள் மத்தியில் பெரிதும் எதிர்பார்ப்பை கிளப்பியுள்ளது. நெல்சன் கடைசியாக விஜய் நடிப்பில் வெளியான ‘பீஸ்ட்’ படத்தை இயக்கியிருந்தார். இந்தப்படம் ஏகப்பட்ட நெகட்டிவ் விமர்சனங்களை சந்தித்தது.
இதனால் ‘ஜெயிலர்’ படத்தினை வெறித்தனமாக இயக்கி வருகிறார் நெல்சன் திலீப்குமார். இந்தப்படத்தில் நீண்ட இடைவேளைக்கு பிறகு ரஜினியுடன் ரம்யா கிருஷ்ணன் இணைந்து நடித்து வருகிறார். மேலும் தமன்னா, விநாயகன், வசந்த் ரவி, யோகி பாபு, மிர்னா உள்ளிட்டோர் இந்தப்படத்தில் இணைந்து நடித்து வருகின்றனர்.
Robo Shankar: தற்கொலை முயற்சி.. சாவின் விளிம்பிற்கே சென்றேன்: நடிகர் ரோபோ சங்கர்.!
சன் பிக்சர்ஸ் தயாரிப்பில் உருவாகும் இந்தப்படத்திற்கு அனிருத் இசையமைக்கிறார். அண்மையில் ‘ஜெயிலர்’ படப்பிடிப்பு முழுவதுமாக நிறைவடைந்தது. இதனை கேக் வெட்டி கொண்டாடினார்கள் படக்குழுவினர். இதனையடுத்து அடுத்தக்கட்ட பணியாக தற்போது டப்பிங் வேலைகள் துவங்கியுள்ளது. நடிகர் விநாயகன் தற்போது ‘ஜெயிலர்’ படத்திற்கான டப்பிங் பணிகளை மேற்கொண்டு வருகிறார். இதுதொடர்பான புகைப்படங்கள் தற்போது இணையத்தில் வைரலாகி வருகிறது.
இதனையடுத்து படத்தில் நடித்துள்ள மற்ற நடிகர், நடிகைகள் அடுத்தடுத்து டப்பிங் பேசுவார்கள் என எதிர்பார்க்கப்படுகிறது. மேலும் தற்போது ‘லால் சலாம்’ ஷுட்டிங்கில் இருக்கும் ரஜினி, படப்பிடிப்பை முடித்ததும் ‘ஜெயிலர்’ டப்பிங் பணிகளை துவங்குவார் என எதிர்பார்க்கப்படுகிறது. ‘ஜெயிலர்’ படம் வரும் ஆகஸ்ட் 10 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.
Vijay: இத எப்ப சொல்ல போறீங்க.. விஜய்யை வம்பிழுத்த ப்ளூ சட்டை: கொந்தளித்த ரசிகர்கள்.!