சர்வதேச செஞ்சிலுவைச் சங்கத்தை பிரதிநிதித்துவப்படுத்தும் தூதுக்குழுவின் தலைவர் திரு. செவரின் சப்பாஸ், துணைத் தூதுக்குழுத் தலைவர் திரு. அலக்சான்டர் புரொவ் ஆகியோர் வடக்கிற்கான விஜயத்தின் போது யாழ். பாதுகாப்புப் படைத் தலைமையக தளபதியை புதன்கிழமை (ஜூன் 14) பாதுகாப்பு படைத் தலைமையகத்தில் சந்தித்தனர்.
யாழ். பாதுகாப்புப் படைத் தலைமையகத்திற்கு வருகை தந்த தூதுக்குழுவை தளபதி மரியாதையுடன் வரவேற்றார்.
இந்த சுமூக சந்திப்பின் போது, யாழ் தளபதி மற்றும் வருகை தந்த சர்வதேச செஞ்சிலுவைச் சங்க பிரதிநிதிகள் சிவில்-இராணுவ ஒத்துழைப்பு, சமூக நலத்திட்டங்கள், பாதுகாப்பு பிரச்சினைகள், அபிவிருத்தி உதவிகள் மற்றும் நல்லிணக்க செயற்பாடுகள் குறித்து கருத்துக்களை பரிமாறிக்கொண்டனர்.
நிறைவில், நல்லெண்ணத்தின் அடையாளமாக நினைவுச் சின்னங்கள் பரிமாறப்பட்டன.