மீண்டும் இணைந்த வெற்றி கூட்டணி!
தெலுங்கில் முன்னணி இயக்குனர் த்ரி விக்ரம் இயக்கத்தில் நடிகர் அல்லு அர்ஜுன் நடித்து கடந்த 2020ம் ஆண்டில் வெளிவந்த திரைப்படம் அலவைகுண்ட புரமலோ. குடும்ப கதை களத்தை மையப்படுத்தி உருவான இப்படம் விமர்சன ரீதியாக வசூல் ரீதியாகவும் மிகப் பெரிய வெற்றி படமாகியது. இப்படத்திற்கு தமன் இசையமைத்திருந்தார். தொடர் தோல்வியில் இருந்து இப்படம் தான் அல்லு அர்ஜுன், த்ரி விக்ரம் இருவரையும் மீட்டது என்பது குறிப்பிடத்தக்கது.
இதனைத்தொடர்ந்து இந்த வெற்றி கூட்டணி மீண்டும் இணைந்துள்ளது என்று கடந்த சில மாதங்களாக தகவல் வெளியானது. இந்த நிலையில் அல்லு அர்ஜுன் புஷ்பா 2 படப்பிடிப்பை முடித்தவுடன் த்ரி விக்ரம் இயக்கத்தில் உடனடியாக நடிக்கவுள்ளார் என கூறப்படுகிறது. இந்த படத்திற்கு தமன் இசையமைக்கவுள்ளாராம். விரைவில் இது குறித்து அதிகாரப்பூர்வ அறிவிப்பு வெளியாகும் என்கிறார்கள்.