ஐதராபாத்,
தெலுங்கானா தலைநகர் ஐதராபாத்தில் உள்ள எல்.பி. நகர் பகுதியில் புதிதாக பாலம் ஒன்று கட்டப்பட்டு வந்தது. கட்டுமான பணிகள் நிறைவு பெறும் தருவாயில் இருந்ததால், பாலத்தை விரைவில் திறப்பதற்கான ஏற்பாடுகள் நடந்து வந்ததாக கூறப்படுகிறது.
இந்த நிலையில் நேற்று அதிகாலை 3 மணியளவில் பாலத்தின் ஒரு பகுதி திடீரென இடிந்து விழுந்தது. இதில் பாலத்துக்கு அடியில் உறங்கி கொண்டிருந்த 9 தொழிலாளர்கள் இடிபாடுகளில் சிக்கினர்.
இதையடுத்து, உடனடியாக மீட்பு பணிகள் முடுக்கிவிடப்பட்டன. இடிபாடுகளை அகற்றி 9 தொழிலாளர்களையும் மீட்ட மீட்பு குழுவினர் அவர்களை அருகில் உள்ள ஆஸ்பத்திரியில் சிகிச்சைக்கு சேர்த்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.
Related Tags :