அநீதி படத்தின் ரிலீஸ் தேதி அப்டேட்
வெயில், அங்காடி தெரு, காவியத் தலைவன் போன்ற படங்களை இயக்கியவர் வசந்தபாலன். இவரது இயக்கத்தில் கடைசியாகப் வெளிவந்த ஜெயில் படம் வெற்றியை பெறவில்லை. இதைத்தொடர்ந்து நடிகர் அர்ஜுன் தாஸை வைத்து அநீதி என்ற படத்தை இயக்கியுள்ளார் வசந்த பாலன். துஷாரா விஜயன், காளி வெங்கட், வனிதா, சாரா அர்ஜுன் உள்ளிட்டோர் முக்கிய கதாபாத்திரத்தில் நடித்துள்ளனர். இயக்குனர் ஷங்கர் வழங்கும் இப்படத்திற்கு ஜி.வி பிரகாஷ் குமார் இசையமைக்கிறார். இந்த நிலையில் இந்த படத்தின் ரிலீஸ் தேதி குறித்து அறிவிப்பு வெளியாகியுள்ளது. அதன்படி, இந்த படம் வருகின்ற ஜூலை 21ம் தேதி வெளியாகும் என்று படக்குழுவினர்கள் புதிய போஸ்டர் உடன் அறிவித்துள்ளனர்.