Hero Passion Plus vs Hero Passion Xtech Comparison – ஹீரோ பேஷன் பிளஸ் Vs பேஷன் எக்ஸ்டெக் பைக்கில் சிறந்தது எது ?

பட்ஜெட் விலையில் கிடைக்கின்ற ஹீரோ பேஷன் பிளஸ் மற்றும் பேஷன் எக்ஸ்டெக் பைக்குகளில் உள்ள என்ஜின், ஆன்-ரோடு விலை, மைலேஜ் மற்றும் சிறப்பம்சங்கள் ஆகியவற்றை ஒப்பீடு செய்து அறிந்து கொள்ளலாம்.

இரண்டுமே ஹீரோ மோட்டோகார்ப் நிறுவனத்தால் விற்பனை செய்யப்படும் நிலையில், 2020 ஆம் ஆண்டு நீக்கப்பட்ட பேஷன் பிளஸ் மீண்டும் அதே ஸ்டைலில் வந்துள்ளது. சமீபத்திய பேஷன் புரோ நீக்கப்பட்டுள்ளது. ஆனால் பேஷன் எக்ஸ்டெக் நவீனத்துவமான வசதிகளை கொண்டதாக விளங்குகின்றது.

Hero Passion Plus Vs Hero Passion Xtech

பழைய வடிவமைப்பினை தக்கவைத்துக் கொண்டுள்ள பேஷன் பிளஸ் பைக் மாடலில் 100சிசி என்ஜின் பயன்படுத்தப்பட்டிருக்கின்றது. புதுப்பிக்கப்பட்ட வடிவமைப்பினை கொண்ட பேஷன் எக்ஸ்டெக் பைக்கில் 113.2cc என்ஜின் பொருத்தப்பட்டுள்ளது.

குறிப்பாக ட்யூப்லெஸ் டயர், யூஎஸ்பி சார்ஜிங் போர்ட், செமி டிஜிட்டல் கிளஸ்ட்டர், i3S நுட்பம், சைட் ஸ்டாண்ட் இன்டிகேட்டர் அகலமான இருக்கைகளை பெற்று பேஷன் பிளஸ் சிறப்பாக வந்துள்ளது.

ஸ்போர்ட்டிவான தோற்றத்தை பெற்ற பேஷன் எக்ஸ்டெக் 110 பைக்கில் டிஸ்க் பிரேக், ட்யூப்லெஸ் டயர், i3S நுட்பம், சைட் ஸ்டாண்ட் இன்டிகேட்டர்,  டிஜிட்டல் கிளஸ்ட்டர் மூலம் ப்ளூடூத் கனெக்ட்டிவிட்டி வசதி மூலமாக கால், எஸ்எம்எஸ் அலர்ட், எல்இடி ஹெட்லைட், குறைந்த எரிபொருள் இருப்பு எச்சரிக்கை ஆகியவற்றை பெற்றுள்ளது.

பேஷன் பிளஸ் 100 பைக்கில் 97.2cc என்ஜின், அதிகபட்சமாக 7.91 bhp at 8,000 rpm பவர் மற்றும் 8.05 Nm டார்க் வெளிப்படுத்துகின்றது. இதில் 4 வேக கியர்பாக்ஸ் பொருத்தப்பட்டுள்ளது.

113.2cc என்ஜின் பொருத்தப்பட்டுள்ள பேஷன் எக்ஸ்டெக் 7,500 rpm-ல் 8.9 bhp மற்றும் 5,500 rpm-ல் 9.79 Nm டார்க் வெளிப்படுத்தும். இந்த பைக்கில் 4 வேக கியர்பாக்ஸ்  பெற்றிருந்தது.

Specs	Hero Passion Plus	Hero Passion Xtech
என்ஜின்	97.2cc Fi, Air-cooled	113.2cc Fi Air Cooled
பவர்	7.91 bhp at at 8,000 rpm	8.9 bhp at 7500 rpm
டார்க்	8.05NM at 6000 rpm	9.79NM at 5000 rpm
கியர்பாக்ஸ்	4 ஸ்பீடு	4 ஸ்பீடு
மைலேஜ்	70 Kmpl	65 Kmpl
அதிகபட்ச வேகம்	90 Kmph	90 Kmph

கூடுதல் திறன் மற்றும் பவர் வழங்குகின்ற பேஷன் எக்ஸ்டெக் மாடல் 113.2cc என்ஜின் பெற்றிருக்கின்றது. சற்று குறைவான மைலேஜ் வெளிப்படுத்துகின்றது. மிகவும் பெயர் பெற்ற பேஷன் பிளஸ் பைக்கில் தொடர்ந்து 100cc என்ஜின் பயன்படுத்தப்படுகின்றது.

பேஷன் + பைக்கின் மைலேஜ் சராசரியாக 65-70kmpl வரையும், பேஷன் Xtech மைலேஜ் சராசரியாக 60-65kmpl வரை கிடைக்கின்றது.

சஸ்பென்ஷன், டயர், பிரேக் – ஒப்பீடு

Specs	Hero Passion Plus	Hero Passion Xtech
முன் சஸ்பென்ஷன்	டெலிஸ்கோபிக் ஹைட்ராலிக்	30mm டெலிஸ்கோபிக் ஹைட்ராலிக்
பின் சஸ்பென்ஷன்	டூயல் ரியர் ஷாக்	டூயல் ரியர் ஷாக்
பிரேக்கிங் சிஸ்டம்	IBS	IBS
முன்பக்க பிரேக்	130 mm டிரம்	240 mm டிஸ்க்  /130 mm டிரம்
பின்பக்க பிரேக்	130 mm டிரம்	130 mm டிரம்
வீல் F/R	80/100-18 & 80/100-18  ட்யூப்லெஸ்	80/100-18 & 80/100-18  ட்யூப்லெஸ்

இரண்டு பைக்குகளும் டிரம் பிரேக் வேரியண்ட்டை பெற்றுள்ள நிலையில் பேஷன் எக்ஸ்டெக் கூடுதலாக டிஸ்க் பிரேக் பெற்றுள்ளது. சஸ்பென்ஷன், டயர் அளவு என இரண்டிலும் ஒரே மாதியாகவும், இன்ட்கிரேட்டேட் பிரேக்கிங் சிஸ்ட்டத்தை பெறுகின்றது. பொதுவாக இரு மாடல்களும் ட்யூப்லெஸ் டயர் ஆனது பெற்றுள்ளது.

பரிமாணங்கள் ஒப்பீடு

இரண்டு பைக்குகளுமே மிக சிறப்பான பயணத்தை வழங்குவதுடன் அதிகப்படியான சுமை தாங்கும் திறனை கொண்டவை விளங்குகின்றது. குறிப்பாக பேஷன் எக்ஸ்டெக் மாடலை விட பேஷன் பிளஸ் சற்று அதிகப்படியான ஊரகப் பகுதி பயனர்களுக்கு ஏற்றதாக விளங்கும்.

Specs	Hero Passion+ 100	Hero Passion Xtech 110
எடை	115 Kg	118 Kg
இருக்கை உயரம்	790mm	799mm
கிரவுண்ட் கிளியரன்ஸ்	168mm	180mm
நீளம்	1,982mm	1,955mm
அகலம்	770mm	739mm
உயரம்	1,087mm	1,113mm
வீல் பேஸ்	1,235mm	1,270mm
சேசிஸ்	டியூபுலர் டபுள் கார்டல்	டைமன்ட் வகை

பேஸன் பிளஸ் 100 மாடலை விட பேஷன் எக்ஸ்டெக் வீல்பேஸ் 35mm வரை கூடுதலாக அமைந்திருப்பதுடன் இருக்கையின் நீளம் சற்று அதிகமாக உள்ளது. இரு பைக்குகளுமே இருவர் மிக தாராளமாக அமர்ந்து செல்லுவதற்கு ஏற்றதாக அமைந்துள்ளது.

விலை ஒப்பீடு

100cc என்ஜின் மாடலை விட கூடுதலான வசதிகள் பெற்றுள்ள பேஷன் எக்ஸ்டெக் இளைய தலைமுறையினர் பெரிதும் விரும்பும் வகையில் அமைந்துள்ளது. குறிப்பாக கனெக்ட்டடிவிட்டி வசதி, டிஸ்க் பிரேக், எல்இடி ஹெட்லைட் ஆகியவற்றை பெற்றுள்ளது.

Model	Ex-Showroom chennai
Hero Passion+	Rs.75,691
Hero Passion Xtech	Rs.78,978 – Rs. 82,678 (Disc)

Hero Passion plus Vs Passion XTech On-road Price in Tamil Nadu

ஹீரோ பேஸன் பிளஸ் மற்றும் எக்ஸ்டெக் பைக்கிற்கு போட்டியாக, ஹோண்டா ஷைன் 100 ஸ்பிளெண்டர் பிளஸ், டிவிஎஸ் ஸ்போர்ட், டிவிஎஸ் ரேடியான், ஹோண்டா CD 110, லிவோ 110, பிளாட்டினா 110 போன்ற மாடல்கள் அமைந்துள்ளன.

Model	On-road Price in chennai
Hero Passion+	Rs.90,570
Hero Passion Xtech	Rs.94,058 – Rs. 98,578 (Disc)

கனெக்ட்டிவிட்டி சார்ந்த வசதிகள், எல்இடி ஹெட்லைட் மற்றும் டிஸ்க் பிரேக் போன்றவை பேஷன் எக்ஸ்டெக் மாடலை முன்னிலைப்படுத்துகின்றது.