நாட்டின் பெரும்பாலான பகுதிகளில் இந்த ஆண்டுக்கான தென்மேற்கு பருவமழை பெய்ய தொடங்கியுள்ளது. நாட்டின் 80 சதவீத பகுதிகளில் பருவமழை தொடங்கிவிட்டதாக இந்திய வானிலை மையம் நேற்று அறிவித்தது. இந்நிலையில் பல மாநிலங்களில் தென்மேற்கு பருவமழை தீவிரமடைந்துள்ளது.
இதனால் நாட்டின் பல பகுதிகளிலும் கடந்த சில நாட்களாக நல்ல மழை பெய்து வருகிறது. இந்நிலையில் அடுத்த சில நாட்களுக்கும் மழை நீடிக்கும் என இந்திய வானிலை மையம் தெரிவித்துள்ளது. அதன்படி உத்தரபிரதேசம், ராஜஸ்தான், உத்தரகாண்ட், இமாச்சல பிரதேசம், கொங்கன், கோவா, குஜராத் மற்றும் மகாராஷ்டிராவின் மலைப் பகுதிகளில் அடுத்த ஐந்து நாட்களுக்கு கனமழை முதல் மிக கனமழை வரை பெய்ய வாய்ப்புள்ளதாக இந்திய வானிலை மையம் எச்சரித்துள்ளது.
தீர்ந்தது தலைவலி.. பெலாரஸில் தரையிறங்கிய வாக்னர் படை தலைவர் பிரிகோஜின்… வழக்குகளை கைவிட்ட ரஷ்யா!
மேலும் குஜராத்தில் புதன்கிழமையான நாளை மிக அதி கனமழை பெய்யும் என்றும் இந்திய வானிலை ஆய்வு மையம் தெரிவித்துள்ளது. இமாச்சல் பிரதேசத்தில் இன்று ஆரஞ்ச் எச்சரிக்கை விடுக்கப்பட்ட நிலையில் கனமழை கொட்டித் தீர்த்தது. அம்மாநிலத்திற்கு நாளை மஞ்சள் எச்சரிக்கை விடுக்கப்பட்டுள்ளது.
இமாச்சலில் வெளுத்து வாங்கும் மழையால் அங்கு பல இடங்களில் மண்சரிவு மற்றும் வெள்ளப் பெருக்கு ஏற்பட்டுள்ளது. இதனால் இதுவரை 9 பேர் பலியாகியுள்ளனர். 14 பேர் காயமடைந்துள்ளனர். பல வீடுகள் சேதமடைந்துள்ளன. 100 கோடி ரூபாய்க்கு மேல் இழப்பு ஏற்பட்டுள்ளது. தொடர்நது கனமழை பெய்து வருவதால் மண் சரிவு ஏற்படும் பகுதிகளில் வசிக்கும் மக்கள் பாதுகாப்பான இடங்களில் தங்க வைக்கப்பட்டுள்ளனர்.
ஆருத்ரா மோசடி: ரூ.15 கோடி வாங்கினாரா ஆர்கே சுரேஷ்? குற்றப்பத்திரிகையில் அம்பலம்!
இதனிடையே மும்பைக்கு இன்று ஆரஞ்ச் எச்சரிக்கை விடுக்கப்பட்டிருந்த நிலையில் நாளையும் ஆரஞ்ச் எச்சரிக்கை நீடிக்கிறது. இதேபோல் கேரளா மற்றும் கர்நாடகாவில் ஜூலை ஒன்றாம் தேதி வரை கன மழை முதல் மிகக் கனமழை வரை பெய்யக்கூடும் என இந்திய வானிலை மையம் அறிவித்துள்ளது. இதேபோல் பீகார் மற்றும் மத்திய பிரதேச மாநிலங்களிலும் கனமழை பெய்யும் என இந்திய வானிலை மையம் எச்சரித்துள்ளது.
மீரா ரோடு கொலை வழக்கில் அதிரடி திருப்பம்… சரஸ்வதி போனிலிருந்து போலீஸுக்கு கிடைத்த முக்கிய க்ளூ!