மோசமான நாட்களில் ஆதரவாக இருந்தவர் : நண்பர் குறித்து மாளவிகா மோகனன் பதிவு
ரஜினி நடித்த பேட்ட படத்தில் தமிழுக்கு வந்த மாளவிகா மோகனன், அதன்பிறகு மாஸ்டர், மாறன் போன்ற படங்களில் நடித்தார். தற்போது விக்ரம் நடித்து வரும் தங்கலான் படத்தில் பழங்குடியின பெண்ணாக நடித்து வருகிறார். இந்த வேடத்தில் நடிப்பதற்காக ஒவ்வொரு நாளும் நான்கு முதல் ஐந்து மணி நேரம் மேக்கப் போட்டு நடித்து வருகிறார். அதோடு பல தற்காப்பு கலைகளையும் பயின்றுள்ளார். சோசியல் மீடியாவில் ஆக்டிவ்வாக இருந்து வரும் மாளவிகா மோகனன், தற்போது தனது நண்பர் அபினவ் என்பவருக்கு பிறந்தநாள் வாழ்த்து தெரிவித்து ஒரு பதிவு போட்டிருக்கிறார்.
அதில், இதுபோன்ற நட்பு கனவில் மட்டும் தான் கிடைக்கும். அந்த அளவுக்கு எப்பொழுதும் என் பின்னால் என்னை தாங்கி பிடித்து வருகிறார். மோசமான நாட்களில் எனக்கு ஆதரவாக இருந்து வருகிறார். சிறிது நேரம் என் முகத்தைப் பார்த்தாலே மனநிலையை புரிந்து கொள்வார். பிரச்னைகள் இருப்பதை அறிந்தால் பாதி உலகை கடந்து வருவார். பிறந்தநாள் வாழ்த்துக்கள் அபினவ் என்று வாழ்த்து தெரிவித்து அவருடன் இணைந்து எடுத்த புகைப்படங்களையும் வெளியிட்டிருக்கிறார் மாளவிகா மோகனன்.