கொரோனா காலத்துக்குப் பிறகு நெட்பிளிக்ஸ் உள்ளிட்ட ஓடிடி நிறுவனங்களின் வளர்ச்சி அபாரமாகிவிட்டது. அமேசான், டிஸ்னி பிளஸ் ஹாட்ஸ்டார் உள்ளிட்ட நிறுவனங்கள் ஓடிடியில் உலகளவில் கோலோச்சிக் கொண்டிருக்கின்றன. மற்ற நிறுவனங்களின் வருகை நெட்பிளிக்ஸ் நிறுவனத்துக்கு பாதிப்பை உருவாக்கியுள்ளது. அதனால் அந்த நிறுவனம் பல மறுசீரமைப்புகளை செய்து வருகிறது. அந்தந்த நாடுகளுக்கு ஏற்ப பிளான்களையும் அறிமுகப்படுத்திக் கொண்டிருக்கிறது. வாடிக்கையாளர்களை ஈர்க்கும் நோக்கில் நெட்பிளிக்ஸ் நிறுவனம் புதிய பிளான்கள் அறிமுப்படுத்தப்பட்டு வருகிறது.
இப்போது நெட்பிளிக்ஸ் நிறுவனம் அடிப்படை பிளான் ஒன்றை நீக்கியிருக்கிறது. புதிய வாடிக்கையாளர்கள் இனி இதை பெற முடியாது. அதேநேரத்தில் பழைய வாடிக்கையாளர்களுக்கு தொடர்ந்து நிருக்கும். அவர்கள் மெம்பர்ஷிப்பில் இருந்து விலகும்பட்சத்தில் அவர்களுக்கும் முன்பிருந்த பேஸிக் பிளானை பயன்படுத்த முடியாது. இனி வரும் நாட்களில் நெட்பிளிக்ஸ் நிறுவனம் அறிமுகப்படுத்தும் திட்டங்களின் வீடியோ குவாலிட்டி முக்கிய பங்கு வகிக்கும். 1080p HD ஸ்ட்ரீமிங்கை ஆதரிக்கும் வகையிலான திட்டங்கள் இருக்கும்.
இருப்பினும், விளம்பரங்களை அகற்றி பதிவிறக்கத்தை அணுக பயனர்கள் இப்போது CAD 16.99 செலுத்த வேண்டும். இந்த பிரீமியம் திட்டம் பயனர்களுக்கு HD மற்றும் அல்ட்ரா HD ஸ்ட்ரீமிங், பிரத்தியேக உள்ளடக்கம், விளம்பரங்கள் இல்லாதது மற்றும் பதிவிறக்கும் வசதி ஆகியவற்றை வழங்குகிறது.
நெட்பிளிக்ஸ் என்ன சொல்கிறது?
விளம்பரம் இல்லாத அடிப்படை திட்டத்துடன் தற்போது இணைக்கப்பட்டுள்ளவர்கள் எதிர்காலத்திலும் அதைப் பயன்படுத்திக் கொள்ள முடியும் என்று நிறுவனம் கூறியுள்ளது. கடந்த ஆண்டு நவம்பர் 3 ஆம் தேதி, அமெரிக்கா, இங்கிலாந்து, பிரான்ஸ், ஜெர்மனி, இத்தாலி, ஆஸ்திரேலியா, ஜப்பான், கொரியா, பிரேசில், கனடா மற்றும் மெக்சிகோ ஆகிய நாடுகளில் உள்ள வாடிக்கையாளர்களுக்கு அடிப்படை விளம்பரங்கள் ஸ்ட்ரீமிங் திட்டத்தை நெட்ஃபிக்ஸ் அறிமுகப்படுத்தியது. இந்த திட்டத்தில், விளம்பரம் இல்லாத திட்டத்தைப் பயன்படுத்தும் வாடிக்கையாளர்கள் அதை மேலும் இலவசமாகப் பார்க்க முடியும்.
இதற்கிடையில், நெட்ஃபிக்ஸ் அதன் அடிப்படை திட்டத்தை ஆப்பிள் டிவி பயனர்களுக்கான விளம்பரங்களுடன் அறிமுகப்படுத்தியுள்ளது. இதன் பொருள் ஆப்பிள் டிவியில் நெட்ஃபிக்ஸ் பயனர்கள் இப்போது விளம்பரங்களுடன் அடிப்படைத் திட்டத்தின் பலனைப் பெறுவார்கள்.