ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
உதயநிதி
நடிப்பில் மாரி செல்வராஜின் இயக்கத்தில் உருவான மாமன்னன் திரைப்படம் இன்று திரையில் வெளியாகியுள்ளது. பொதுவாக உதயநிதி படங்களுக்கு இருக்கும் எதிர்பார்ப்பை விட இப்படத்திற்கு கூடுதல் எதிர்பார்ப்பு இருந்து வருகின்றது. அதற்கு பல காரணங்கள் இருக்கின்றன.
மாமன்னன் திரைப்படம் உதயநிதி நடிக்கும் கடைசி படமாகும். இனி முழு நேர அரசியலில் உதயநிதி ஈடுபட இருப்பதால் மாமன்னன் படத்திற்கு பிறகு இனி நடிப்பதில்லை என முடிவெடுத்துள்ளார். இதைத்தொடர்ந்து பரியேறும் பெருமாள், கர்ணன் என அழுத்தமான ரசிகர்கள் மத்தியில் தாக்கத்தை ஏற்படுத்தக்கூடிய படங்களை எடுத்த மாரி செல்வராஜின் படம் தான் மாமன்னன்
மாமன்னன் வரவேற்பு
மேலும் வடிவேலு இபபடத்தில் குணச்சித்திர நடிகராக நடிக்கின்றார். சொல்லப்போனால் ஹீரோவிற்கு நிகரான கதாபாத்திரத்தில் வடிவேலு மாமன்னன் படத்தில் நடிக்கின்றார். எனவே இவையெல்லாம் சேர்ந்து இப்படத்தின் எதிர்பார்ப்பை பலமடங்கு உயர்த்தியது.
Maamannan review: மாமன்னன் விமர்சனம்..வெற்றியுடன் விடைபெற்றாரா உதயநிதி ?
இந்நிலையில் சமீபத்தில் வெளியான மாமன்னன் படத்தின் பாடல் மற்றும் ட்ரைலர் ரசிகர்களின் அமோகமான வரவேற்பை பெற்றது. இவ்வாறு நாளுக்கு நாள் படத்தின் மீதான எதிர்பார்ப்பு பலமடங்கு உயர்ந்துகொண்டே செல்ல இன்று இப்படம் வெளியாகியுள்ளது. படம் வெளியான முதலே இப்படத்திற்கு பாசிட்டிவான விமர்சனங்களே வந்துகொண்டு இருக்கின்றது.
பொதுவாக மாரி செல்வராஜின் படங்களில் இருக்கும் அனைத்து விஷயங்களும் இப்படத்திலும் இருக்கின்றதாம். மேலும் வடிவேலு, ஃபஹத் ஃபாசில், உதயநிதி என அனைவரும் இப்படத்தில் போட்டிபோட்டு நடித்து தங்களின் சிறப்பான நடிப்பை வெளிப்படுத்தியுள்ளார்கள். குறிப்பாக படத்தின் பாடல்களும் இண்டெர்வெல் காட்சியும் வேற லெவெலில் இருப்பதாக ரசிகர்கள் கூறி வருகின்றனர்.
என்னதான் ஆங்காங்கே சிறுசிறு குறைகள் இருந்தாலும் ஒட்டுமொத்தமாக இப்படம் மிகப்பெரிய வெற்றிப்படமாக மாறும் என்றே அனைவராலும் கணிக்கப்படுகின்றது. இந்நிலையில் இன்று பக்ரீத் பண்டிகையை முன்னிட்டு இப்படம் சோலோவாக வெளியாகின்றது. கிட்டத்தட்ட 700 திரையரங்கங்களில் இப்படம் ரிலீஸாகியுள்ளதாம்.
முதல் நாள் வசூல்
இப்படத்திற்கு ஆரம்பம் முதலே மிகப்பெரிய எதிர்பார்ப்பு இருந்து வருவதால் மாமன்னன் படத்துடன் வேறெந்த படமும் வெளியாகவில்லை. எனவே 700 திரையரங்கங்களில் அடுத்த ஓரிரு வாரங்களுக்கு இப்படம் திரையிடப்படுமாம். மேலும் உதயநிதியின் படம் 700 திரையரங்கங்களில் வெளியாவது இதுவே முதல்முறையாம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
எனவே அஜித் மற்றும் விஜய்யின் படங்களுக்கு நிகரான திரைகள் உதயநிதியின் மாமன்னன் படத்திற்கு கிடைத்துள்ளது. இந்நிலையில் இப்படம் விமர்சன ரீதியாக மட்டுமல்லாமல் வசூல் ரீதியாகவும் மிகப்பெரிய வெற்றியை பெரும் என எதிர்பார்க்கப்படுகின்றது. .குறிப்பாக முதல் நாள் வசூல் மட்டும் கிட்டத்தட்ட 7 கோடிக்கு மேல் இருக்கும் என எதிர்பார்ப்படுகின்றது குறிப்பிடத்தக்கது