அமலாக்கத்துறையால் கைது செய்யப்பட்டுள்ள செந்தில் பாலாஜி தற்போது மருத்துவமனையில் சிகிச்சை பெற்று வருகிறார். அவர் இலாக்கா இல்லாத அமைச்சராக நீடித்து வரும் நிலையில் அவரை அமைச்சரவையிலிருந்து நீக்குவதாக ஆளுநர் ஆர்.என்.ரவி அறிவிப்பு வெளியிட்டுள்ளார்.
இது தொடர்பாக ஆளுநர் மாளிகை வெளியிட்டுள்ள அறிவிப்பில், “அமைச்சர் வி.செந்தில் பாலாஜி மீது, வேலை வாங்கி தருவதாக, பணமோசடி செய்தல் உள்ளிட்ட பல்வேறு ஊழல் வழக்குகள், கடுமையான குற்ற வழக்குகள் நிலுவையில் உள்ளன.
அமைச்சர் பதவியை தவறாக பயன்படுத்தி, தன் மீதான விசாரணைக்கும் அவர் பாதிப்பை ஏற்படுத்தி வருகிறார். தற்போது நீதிமன்ற காவலில் அமலாக்கத் துறை விசாரணையில் உள்ளார்.
அதுமட்டுமில்லாமல், தமிழக காவல் துறையிலும் அவர் மீது சில வழக்குகள் உள்ளன. இதனால் செந்தில் பாலாஜி அமைச்சரவையில் தொடர்ந்தால் அரசு இயந்திரத்தின் செயல்பாடு பாதிக்கப்படும். இந்நிலையில், அவரை, அமைச்சரவையில் இருந்து, ஆளுநர் உடனடியாக நீக்கியுள்ளார்” என்று தெரிவிக்கப்பட்டுள்ளது.
ஆளுநர் மாளிகை வெளியிட்ட அறிவிப்பை தொடர்ந்து முதல்வர் ஸ்டாலின் இது தொடர்பாக கருத்து தெரிவித்துள்ளார்.
சென்னை வேளச்சேரியில் உள்ள குருநானக் கல்லூரியில் கலைஞர் நூற்றாண்டு விழாவில் கலந்து கொண்ட அவர் செய்தியாளர்களைச் சந்தித்தார்.
“செந்தில் பாலாஜி வாயை திறந்தால் மாட்டிப்பாங்க”
அப்போது பேசிய அவர், “அமைச்சர் செந்தில் பாலாஜியை அமைச்சரவையிலிருந்தி நீக்க ஆளுநருக்கு அதிகாரம் இல்லை. இதை சட்ட ரீதியாக எதிர்கொள்வோம்” என்று கூறினார்.