இம்பாலா:
அசாதாரண சூழல் நிலவி வருவதை ஒட்டி மணிப்பூரில் உள்ள பள்ளிகளுக்கு ஜூலை 8-ம் தேதி வரை விடுமுறை அளித்து அம்மாநில பள்ளிக்கல்வித்துறை உத்தரவிட்டுள்ளது.
மணிப்பூர் மாநிலத்தில் இரண்டு சமூக மக்கள் மத்தியில் ஏற்பட்ட மோதல் பெரும் கலவரமாக வெடித்துள்ளது. குக்கி இனத்தவரை போல தங்களையும் பழங்குடி பட்டியலில் சேர்க்குமாறு மைத்தேயி சமூகத்தினர் போராட்டம் நடத்தி வந்தனர். இதற்கு குக்கி இனத்தவர் எதிர்ப்பு தெரிவித்ததால் ஏற்பட்ட மோதலே இவ்வளவு பெரிய வன்முறைக்கு வித்திட்டிருக்கிறது.
சுமார் இரண்டு மாதங்களுக்கும் மேலாக தொடரும் இந்தக் கலவரத்தில் இதுவரை 100-க்கும் மேற்பட்டோர் உயிரிழந்துள்ளனர். ஆயிரக்கணக்கானோர் படுகாயம் அடைந்துள்ளனர். இரு சமூகத்தினரும் ஒருவரின் ஒருவர் வீடுகளில் புகுந்து கொலைவெறி தாக்குதல் நடத்தி வருகிறார்கள். பெண்கள், குழந்தைகள் என பாரபட்சமின்றி இந்த தாக்குதல் நடந்து வருவதால் மணிப்பூர் முழுவதுமே மரண ஓலம் கேட்டு வருகிறது.
கோட்டை டூ ஆளுநர் மாளிகை.. நெருப்பாக பறந்து சென்ற ஸ்டாலின் கடிதம்.. அதிலும் கடைசி வரி இருக்கே..
ராணுவம், துணை ராணுவம், போலீஸார் குவிக்கப்பட்டும் கலவரத்தை கட்டுப்படுத்த முடியாததால் மத்திய அரசே திணறி வருகிறது. இந்நிலையில், நாளுக்கு நாள் வன்முறை கட்டுக்கு அடங்காமல் போவதால் தற்போது பள்ளிகளுக்கு விடுமுறை அளிக்க மணிப்பூர் அரசு முடிவு செய்துள்ளது. இதுகுறித்து மணிப்பூர் மாநில பள்ளிக்கல்வித்துறை விடுத்துள்ள அறிக்கையில், “வன்முறைச் சம்பவங்களில் பள்ளி மாணவர்கள் பாதிக்கப்பட்டுவிடக் கூடாது என்பதில் அரசு தெளிவாக உள்ளது. எனவே மாணவர்கள் பாதுகாப்பை கருத்தில்கொண்டு, மணிப்பூரில் உள்ள பள்ளிகள் அனைத்தும் ஜூலை 12-ம் தேதி வரை மூடப்படும்” எனக் கூறப்பட்டுள்ளது.