ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
மாரி செல்வராஜ் இயக்கத்தில்
உதயநிதி ஸ்டாலின்
நடிப்பில் வெளியான கடைசி படம் மாமன்னன். அந்த படத்தில் ஒடுக்கப்பட்ட சாதி எம்.எல்.ஏ.வான மாமன்னனின் மகன் அதிவீரனாக நடித்து கைதட்டல்களை பெற்றுள்ளார் உதயநிதி ஸ்டாலின்.
“Blue sattai மாறனே நல்லா இருக்குனு சொல்லிட்டார்” சரத்குமார் பேச்சு!
அவருக்கு அப்பாவாக வடிவேலுவும், அம்மா வீராயியாக கீதா கைலாசமும் நடித்திருந்தார்கள். யார் அந்த கீதா கைலாசம் என்று கேட்கிறீர்களா?. அவர் வேறு யாரும் அல்ல உலக நாயகன் கமல் ஹாசனின் குருவான கே. பாலசந்தரின் மருமகள் தான்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
வீட்ல விசேஷம் படத்தில் நர்ஸாக நடித்தார். இதையடுத்து பா. ரஞ்சித் இயக்கத்தில் ஆர்யா நடிப்பில் வெளியான சார்பட்டா பரம்பரை படத்தில் பசுபதிக்கு மனைவியாக நடித்தார்.
சிறு, சிறு கதாபாத்திரங்களில் நடித்து வரும் கீதா கைலாசத்தை உதயநிதி ஸ்டாலினுக்கு அம்மாவாக நடிக்க வைத்தார் மாரி செல்ராஜ். அது சிறு கதாபாத்திரம் தான் என்றாலும் ரசிகர்களின் கவனத்தை ஈர்த்துள்ளார்.
கீதா கைலாசம் யார் என்று தெரியாதவர்களோ, இந்த வீராயி நிஜத்தில் யாராக இருக்கும் என கேள்வி எழுப்பினார்கள். அவர் பாலசந்தரின் மருமகள் என்று தெரிந்த பிறகு, அடேங்கப்பா பெரிய இடத்து மருமகளா என வியந்து பேசிக் கொண்டிருக்கிறார்கள்.
பாலசந்தரின் மருமகள் இப்படி அசால்டாக நடித்து கைதட்டல்களை பெறுவதில் ஆச்சரியம் இல்லை என்கிறார்கள் சினிமா ரசிகர்கள்.
இந்நிலையில் மாமன்னன் படத்தில் நடித்தது பற்றி கீதா கைலாசம் கூறியிருப்பதாவது,
மாமன்னனில் வடிவேலுவுடன் சேர்ந்து நடிக்க வேண்டும் என இயக்குநர் மாரி செல்வராஜ் சொன்னதை கேட்டு பயந்துவிட்டேன். படப்பிடிப்பு தளத்தில் வடிவேலுவுடன் சேர்ந்து நடித்தது சவாலாக இருந்தது.
இதற்கு முன்பு நான் நடித்த படங்களில் என் கதாபாத்திரம் ரசிகர்களின் கவனத்தை ஈரக்கவில்லை. ஆனால் மாமன்னனில் அப்படி இல்லை. ரசிகர்கள் என் நடிப்பை கண்டுகொண்டார்கள்.
அதிலும் கிளைமாக்ஸ் காட்சியில் ரவுடிகளை பார்த்து பயந்து கட்டிலுக்கு அடியில் நான் ஒளிந்து கொண்டது மிகவும் நன்றாக இருப்பதாக பலரும் பாராட்டுகிறார்கள்.
இந்த படம் மூலம் ரசிகர்கள் மத்தியில் எனக்கு ஒரு அடையாளம் கிடைத்திருப்பதில் மிகவும் சந்தோஷமாக இருக்கிறது என்றார்.
Maamannan:மாமன்னனுக்காக உதய்ணாவுக்கு இவ்ளோ தான் சம்பளமா?!: இது நயன்தாரா சம்பளத்தில் பாதி கூட இல்லையே
மாமன்னன் தான் உதயநிதி ஸ்டாலின் நடித்த கடைசி படமாகும். இதையடுத்து படங்களில் நடிக்க மாட்டேன் என்று கூறியிருக்கிறார். அமைச்சராகிவிட்டதால் மக்கள் பணி செய்யவே நேரம் இல்லை என்று தெரிவித்தார். அப்படியே மீண்டும் நடிக்க வந்தாலும் மறுபடியும் மாரி செல்வராஜ் இயக்கத்தில் தான் நடிப்பேன் என்றார்.
மாரி செல்வராஜ் இயக்கத்தில் நடித்தபோது அவரின் செயல்பாடுகள் உதயநிதி ஸ்டாலினுக்கு மிகவும் பிடித்துவிட்டது. அதனால் தான் மீண்டும் மாரி செல்வராஜ் இயக்கத்தில் நடிக்க விரும்புகிறார்.
மாமன்னன் படத்தில் வடிவேலு தான் மாமன்னன், நான் சாதாரண மன்னன் என தெரிவித்தார் உதயநிதி ஸ்டாலின். படம் ரிலீஸான பிறகே அவர் சொன்னதன் அர்த்தம் புரிந்தது.
நிஜத்தில் அரசியல் வாரிசான உதயநிதி ஸ்டாலினை படத்திலும் அப்படியே தான் நடிக்க வைத்திருக்கிறார் மாரி செல்வராஜ். முதல்வரின் மகனை படத்தில் எம்.எல்.ஏ.வின் மகனாக நடிக்க வைத்துள்ளார்.