சீதா ராமன் தொடரில் ஹீரோயினாக என்ட்ரி கொடுக்கும் திரைப்பட நடிகை!
ஜீ தமிழில் ஒளிபரப்பாகி வரும் சீதா ராமன் தொடரில் ஹீரோயினாக ப்ரியங்கா நல்காரி நடித்து வந்தார். இந்நிலையில், அவருக்கு திடீரென திருமணம் முடிந்ததால் தொடர்ந்து நடிக்க முடியாமல் சீரியலை விட்டு விலகினார். இதனையடுத்து இனி யார் சீதாவாக நடிக்கப் போகிறார் என்ற கேள்வி மக்கள் மத்தியில் எழுந்த நிலையில், திரைப்பட நடிகையான ஸ்ரீ ப்ரியங்கா, சீதா ராமன் சீரியலில் ஹீரோயினாக நடிக்க கமிட்டாகியுள்ளார். மிக மிக அவசரம் என்ற படத்தின் மூலம் பிரபலமான ஸ்ரீ ப்ரியங்கா, தமிழில் ஸ்கெட்ச், கொம்பு வச்ச சிங்கமடா உள்ளிட்ட பல படங்களில் சப்போர்ட்டிங் ரோலில் நடித்துள்ளார் என்பது குறிப்பிடத்தக்கது.