ரஜினி நடிப்பில் அடுத்ததாக ‘ஜெயிலர்’ படம் வெளியாகவுள்ளது. ‘அண்ணாத்த’ படத்தினை தொடர்ந்து பெரிய கேப்பிற்கு பிறகு ரிலீசாகும் படம் என்பதால் ரசிகர்கள் மத்தியில் எக்கச்சக்கமான எதிர்பார்ப்பு நிலவி வருகிறது. நெல்சன் திலீப்குமார் இயக்கத்தில் உருவாகியுள்ள இந்தப்படத்தின் பர்ஸ்ட் சிங்கிள் நாளை வெளியாகவுள்ளது. இந்நிலையில் ‘ஜெயிலர்’ படம் குறித்து வெளியாகியுள்ள லேட்டஸ்ட் தகவல் சோஷியல் மீடியாவில் வைரலாகி வருகிறது.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
ரஜினி நடிப்பில் கடைசியாக கடந்த 2021 ஆம் ஆண்டு ‘அண்ணாத்த’ படம் வெளியாகியிருந்தது. சிறுத்தை சிவா பாணியில் பேமிலி செண்டிமென்ட்டை அடிப்படையாக கொண்டு அண்ணன் தங்கச்சி பாசத்தை கதைக்களமாக கொண்டு வெளியானது. மிகுந்த எதிர்பார்ப்பிற்கு மத்தியில் ரிலீசான இந்தப்படம் ரசிகர்களின் எதிர்பார்ப்பை முழுமையாக பூர்த்தி செய்யவில்லை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து யாரும் எதிர்பார்க்காத விதமாக தனது அடுத்த படத்திற்காக இளம் இயக்குனரான நெல்சனுடன் கூட்டணி அமைத்தார் ரஜினிகாந்த். கோலமாவு கோகிலா, டாக்டர் போன்ற டார்க் காமெடி படங்கள் மூலம் ரசிகர்கள் மத்தியில் வரவேற்பை பெற்ற நெல்சனுடன் ரஜினி கூட்டணி அமைத்துள்ளது ரசிகர்கள் மத்தியில் ஏராளமான எதிர்பார்ப்பினை கிளப்பியுள்ளது.
அதேபோல் நெல்சனின் ‘பீஸ்ட்’ படம் ஏகப்பட்ட ட்ரோல்களை சந்தித்தால் ‘ஜெயிலர்’ படத்தினை எப்படியாவது ஹிட்டாக்கி விட வேண்டும் என்ற முனைப்போடு செயல்பட்டு வருகிறார் நெல்சன் திலீப்குமார். மேலும் அவரின் முந்தைய படங்களை விட இந்தப்படத்தில் ஆக்ஷன் காட்சிகள் அதிகம் இருக்கும் என கூறப்படுகிறது. சன் பிக்சர்ஸ் தயாரிப்பில் உருவாகியுள்ள இந்தப்படத்திற்கு அனிருத் ரவிச்சந்தர் இசையமைக்கிறார்.
Rajinikanth:மாமன்னனுக்காக நேரில் அழைத்து பாராட்டிய ரஜினி: திக்குமுக்காடிய மாரி செல்வராஜ்.!
‘ஜெயிலர்’ படத்தின் பர்ஸ்ட் சிங்கிள் ‘Kaavaalaa’ ஜுலை 6 ஆம் தேதி வெளியாகவுள்ளது. இதற்கான கலகலப்பான புரோமோ வீடியோ நேற்று முன்தினம் வெளியானது. இந்நிலையில் ‘ஜெயிலர்’ படத்தின் இசை வெளியீட்டு விழா வரும் ஜுலை 29 ஆம் தேதி பிரம்மாண்டமாக நடைபெறவுள்ளது. நேரு உள்விளையாட்டு அரங்கில் இந்த விழா நடைபெற இருப்பதாக கூறப்படுகிறது. இதனால் ‘ஜெயிலர்’ இசை வெளியீட்டு விழாவில் ரஜினியின் பேச்சை கேட்க ரசிகர்கள் ஆர்வமுடன் காத்திருக்கின்றனர்.
‘ஜெயிலர்’ படத்தில் நீண்ட இடைவேளைக்கு பிறகு ரஜினியுடன் இணைந்து ரம்யா கிருஷ்ணன் நடிக்கிறார். மேலும் தமன்னா, வசந்த் ரவி, விநாயகன், யோகி பாபு உள்ளிட்ட பலர் இணைந்து நடித்துள்ளனர். அத்துடன் மோகன்லால், சிவராஜ்குமார், ஜாக்கி ஷெரப், சுனில் உள்ளிட்ட பல மொழிகளை சார்ந்த பிரபலங்கள் இந்தப்படத்தில் நடித்துள்ளனர். ‘ஜெயிலர்’ படம் வரும் ஆகஸ்ட் 10 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.
என் சாதி ஆட்களுக்கு மட்டும் வாய்ப்பா.?: விமர்சனங்களுக்கு பதிலடி கொடுத்த மாரி செல்வராஜ்.!