ஜுலை 14 ஆம் தேதி வெளியாகவுள்ள ‘மாவீரன்’ படத்தில் தன்னுடைய வேறு விதமான நடிப்பை பார்க்கலாம் என தெரிவித்துள்ளார் சிவகார்த்திகேயன்.
மாவீரன்சிவகார்த்திகேயன் நடிப்பில் தற்போது ‘மாவீரன்’ படம் உருவாகி ரிலீசுக்கு தயாராக உள்ளது. இந்தப்படத்தின் புரமோஷன் பணிகள் தற்போது மும்முரமாக நடந்து வருகிறது. தனது முந்தைய படமான ‘பிரின்ஸ்’ பட தோல்வியை வெளிப்படையாக ஒப்புக்கொண்ட சிவகார்த்திகேயன், ‘மாவீரன்’ படம் கண்டிப்பாக அதனை சரி செய்யும் என நம்பிக்கை தெரிவித்து வருகிறார்.
மாவீரன் டிரெய்லர்டான், பிரின்ஸ் படங்களை தொடர்ந்து தற்போது சிவகார்த்திகேயன் நடிப்பில் ‘மாவீரன்’ உருவாகியுள்ளது. மடோன் அஸ்வின் இயக்கத்தில் உருவாகியுள்ள இதன் படப்பிடிப்பு அண்மையில் முழுவதுமாக நிறைவடைந்தது. இதனையடுத்து ரிலீசுக்கு தயாரான இந்தப்படத்தின் டிரெய்லர் மற்றும் இசை வெளியீட்டு விழாவை சமீபத்தில் பிரம்மாண்டமாக நடத்தி முடித்தனர் படக்குழுவினர்.
சர்ப்ரைஸ் வாய்ஸ்’மாவீரன்’ பட டிரெய்லரும் ரசிகர்களின் எதிர்பார்ப்பினை பல மடங்கு எகிற செய்துள்ளது. வடசென்னை பின்னணியில் நடக்கும் கதை என்பது டிரெய்லர் பார்க்கும் போதே தெரிகிறது. மேலும் இந்தப்படத்தில் சிவகார்த்திகேயனுக்கு ஒரு குரல் கேட்கும் என்று கூறப்படுகிறது. இந்த குரல் யாருடையது என்பது ரசிகர்களுக்கு மிகப்பெரிய சர்ப்ரைஸாக இருக்கும் எனவும் தகவல்கள் வெளியாகியுள்ளது. இதனால் அந்த குரல் யாராக இருக்கும் என்ற எதிர்பார்ப்பு ரசிகர்கள் மத்தியில் நிலவி வருகிறது.
டாக்டர் படம் போல்இந்நிலையில் ‘மாவீரன்’ புரமோஷனில் கலந்துக்கொண்ட சிவகார்த்திகேயன், ‘டாக்டர்’ படத்தில் என்னுடைய வேறு விதமான நடிப்பை பார்த்திருப்பீர்கள். அதே போல் இந்தப்படத்திலும் என்னுடைய வேறு விதமான நடிப்பை பார்ப்பீர்கள். படத்தில் காதல் காட்சிகளே இல்லை. வண்ணாரப்பேட்டை பாடலில் மட்டும் எனக்கும் அதிதிக்கும் காதல் இருக்கும். படம் நன்றாக வந்துள்ளது. உங்கள் அனைவருக்கும் பிடிக்கும் என நம்புகிறேன் என்று தெரிவித்துள்ளார். இதனால் டாக்டர் போல் மாவீரனும் சர்ப்ரைஸ் ஹிட்டடிக்கும் என ரசிகர்கள் எதிர்பார்க்கின்றனர்.
மிரட்டும் மிஷ்கின்’மண்டேலா’ படத்தின் வெற்றியை மடோன் அஸ்வினின் இரண்டாவது படைப்பாக உருவாகியுள்ள மாவீரனில் சிவகார்த்திகேயன், அதிதி ஷங்கர், மிஷ்கின், சரிதா, யோகி பாபு உள்ளிட்ட பலர் இணைந்து நடித்துள்ளனர். இந்தப்படத்தில் மிரட்டலான வில்லனாக அரசியல்வாதி கதாபாத்திரத்தில் இயக்குனர் மிஷ்கின் நடித்துள்ளார். தமிழ், தெலுங்கு மொழிகளில் தயாராகியுள்ள ‘மாவீரன்’ படம் ஜுலை 14 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.