துணிவு படத்திற்கு பிறகு அஜித் மகிழ் திருமேனியின் இயக்கத்தில் விடாமுயற்சி படத்தில் நடிக்க இருக்கின்றார். இந்த தகவல் கடந்த ஜனவரி மாதமே வெளியே கசிந்தாலும் அதிகாரபூர்வமான அறிவிப்பு அஜித்தின் பிறந்தநாளை முன்னிட்டு தான் வெளியானது.
லைக்காவின் தயாரிப்பில் அனிருத்தின் இசையில் உருவாகவுள்ள இப்படத்தின் படப்பிடிப்பு எப்போது துவங்கும் என்ற கேள்வி தான் தற்போது அனைவரிடமும் இருந்து வருகின்றது. மே மாதமே விடாமுயற்சி படத்தின் படப்பிடிப்பு துவங்கும் என எதிர்பார்க்கப்பட்டது. ஆனால் அப்போது துவங்கவில்லை.
விரைவில் படப்பிடிப்பு
பிறகு தயாரிப்பு நிறுவனமான லைக்கா ரெய்டில் சிக்கியதால் மேலும் படப்பிடிப்பு தாமதமானது. இதையடுத்து விடாமுயற்சி படம் கைவிடும் வாய்ப்பும் இருப்பதாக சில வதந்திகள் பரவி வந்தன. உடனே அஜித் மற்றும் இயக்குனர் மகிழ் திருமேனி லுக் டெஸ்ட்டிற்காக லண்டனுக்கு சென்று விடாமுயற்சி திரைப்படம் கண்டிப்பாக துவங்கும் என உணர்த்தி இந்த வதந்திகளுக்கு முற்றுப்புள்ளி வைத்துள்ளனர்.
Maaveeran: மாவீரன் வெற்றியா ? தோல்வியா ? வெளியான ரிப்போர்ட்..!
இந்நிலையில் கடந்த இரண்டு மாதங்களுக்கு மேலாக விடாமுயற்சி படத்தை பற்றி எந்த ஒரு அறிவிப்பும் இல்லை. இதன் காரணமாக அஜித் ரசிகர்கள் கவலையில் இருக்கின்றனர். இருந்தாலும் விரைவில் விடாமுயற்சி பற்றி அதிகாரபூர்வ அறிவிப்பு வெளியாகும் என்ற நம்பிக்கையில் அஜித் ரசிகர்கள் இருக்க தற்போது அவர்களுக்கு ஒரு நற்செய்தி வந்துள்ளது.
அதாவது விடாமுயற்சி படத்தின் படப்பிடிப்பு ஆகஸ்ட் மாதம் முதல் வாரத்தில் துவங்கும் என தகவல்கள் வருகின்றன. மேலும் விடாமுயற்சி படத்திற்காக அஜித் பத்து கிலோ வரை தன் உடல் எடையை குறைத்துள்ளாராம். செம ஸ்லிம்மாக அஜித் தற்போது மாறியுள்ளார். அதன் புகைப்படங்கள் இணையத்தில் வெளியாகி செம வைரலாகி வருகின்றது.
தயாராகும் அஜித்
மேலும் இப்படத்தில் அஜித்திற்கு இரட்டை வேடங்கள் என்றும் ,அதில் ஒரு வேடத்திற்காக வித்யாசமான லுக்கில் அஜித் நடிக்கவுள்ளதாகவும் பேசப்பட்டு வருகின்றது. கடந்த சில நாட்களாக அஜித் ரசிகர்களுடன் எடுத்துக்கொண்ட புகைப்படங்கள் இணையத்தில் தீயாய் பரவி வருகின்றன. அந்த புகைப்படங்களை பார்க்கும் பலர் அஜித் முன்பைவிட தற்போது செம பிட்டாக மாறியுள்ளதாக கூறி வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
எனவே விடாமுயற்சி படத்திற்காக தான் அஜித் தன் உடலை ஸ்லிம்மாக மாற்றி வருகின்றார் எனவும், அதற்காக தான் விடாமுயற்சி படப்பிடிப்பு துவங்குவதில் தாமதம் ஏற்பட்டுள்ளதாகவும் ஒரு தகவல் வந்துள்ளது. ஆனால் இதில் எந்தளவிற்கு உண்மை உள்ளது என தெரியவில்லை என்பது குறிப்பிடத்தக்கது.