சரித்திரப் படத்திற்கான ஹேர்ஸ்டைலில் சிம்பு
'பத்து தல' படத்திற்குப் பிறகு சிம்பு நடிக்கும் அவரது 48வது படத்தை நடிகர் கமல்ஹாசன் தயாரிக்கிறார். 'கண்ணும் கண்ணும் கொள்ளையடித்தால்' படத்தை இயக்கிய தேசிங்கு பெரியசாமி படத்தை இயக்க உள்ளார். இப்படம் ஒரு சரித்திரப் படமாக உருவாக உள்ளதாக ஏற்கெனவே தகவல் வெளியானது. அந்தப் படத்திற்காக சிம்பு தற்போது தயாராகி வருகிறார். சமீபத்தில் மலேசியாவில் நடந்த நிகழ்ச்சி ஒன்றில் சிம்பு கலந்து கொண்ட போது அவரது நீளமான ஹேர்ஸ்டைல் அதை உறுதி செய்துள்ளது.
தோற்றத்தை மாற்றி நடிக்கும் நடிகர்களில் சிம்புவும் முக்கியமானவர். அவர் நடித்து கடைசியாக வெளிவந்த 'பத்து தல' படத்தில் கூட வித்தியாசமான தோற்றத்தில் நடித்திருந்தார். சிம்புவின் 48வது படம் பற்றிய அடுத்த அப்டேட்டுகள் எதுவும் வராத நிலையில் சிம்புவின் புதிய தோற்றம் அவரது ரசிகர்களைக் கவர்ந்துள்ளது.