தெலுங்கானா மற்றும் ஆந்திர பிரதேச மாநிலங்களில் கடந்த வாரம் முதலே பலத்த மழை பெய்து வருகிறது. இதன் காரணமாக அம்மாநிலத்தின் பல்வேறு பகுதிகள் வெள்ளத்தில் தத்தளிக்கின்றன. சாலைகளில் ஆறு போல் மழை நீர் பெருக்கெடுத்து ஓடும் காட்சிகள் வெளியாகின.
தொடர் கனமழையால் மக்களின் இயல்பு வாழ்க்கை கடுமையாக பாதிக்கப்பட்டுள்ளது. இடை விடாது வெளுத்து வாங்கும் மழையால் கடந்த வாரம் 3 நாட்கள் கல்வி நிறுவனங்கள், அரசு மற்றும் தனியார் அலுவலகங்களுக்கு விடுமுறை அறிவிக்கப்பட்டது.
அச்சுறுத்தும் காற்றழுத்த தாழ்வுப்பகுதி… ரெட் அலர்ட் விடுத்த இந்திய வானிலை மையம்!
இந்நிலையில் தற்போது மீண்டும் கனமழை கொட்டி வருகிறது. இதனிடையே வங்கக்கடலில் உருவாகியுள்ள குறைந்த காற்றழுத்த தாழ்வு பகுதியால் தெலுங்கானா மாநிலத்தில் இன்றும் நாளையும் மிக கனமழை பெய்யும் என இந்திய வானிலை மையம் ரெட் அலர்ட் விடுத்துள்ளது
இதனால் தெலுங்கானா மாநிலத்தில் உள்ள அனைத்து கல்வி நிறுவனங்களுக்கும் இன்றும் நாளையும் விடுமுறை அறிவிக்கப்பட்டுள்ளது. மேலும் தெலுங்கான மற்றும் ஆந்திர மாநிலத்தில் வரும் 28ஆம் தேதி வரை மிதமான மழை பெய்யும் என்றும் ஒரு சில இடங்களில் கனமழை பெய்யும் என்றும் இந்திய வானிலை மையம் எச்சரித்துள்ளது.
அண்ணாமலை ஏன் அதைப்பத்தி மட்டும் பேசல? சீமான் நறுக்!
கடலோர கர்நாடக பகுதிகளுக்கு இன்று ரெட் அலர்ட் விடுத்துள்ள இந்திய வானிலை மையம், நாளையும் கனமழையுடன் கூடிய பரவலான மழை பெய்யக்கூடும் என்றும் எச்சரித்துள்ளது. இதேபோல் தமிழ்நாடு, புதுச்சேரி, காரைக்கால் ஆகிய பகுதிகளிலும் இன்று பரவலாக மழை பெய்ய வாய்ப்புள்ளதாக இந்திய வானிலை மையம் தெரிவித்துள்ளது.
திருப்பதி பக்தர்களுக்கு சூப்பர் நியூஸ்.. பாதையில் வரும் மெகா மாற்றங்கள்.. மாஸ்டர் பிளான்!
இதேபோல் கேரள மாநிலத்திலும் அடுத்த 3 நாட்களுக்கு கனமழை பெய்ய வாய்ப்புள்ளதாக இந்திய வானிலை மையம் தெரிவித்துள்ளது. எர்ணாக்குளம், திரிச்சூர், பாலக்காடு, மலப்புரம், கோழிக்கோடு, வயநாடு, கண்ணூர் மற்றும் காசர்கோட் ஆகிய பகுதிகளுக்கு மஞ்சள் எச்சரிக்கை விடுக்கப்பட்டுள்ளது. சென்னை உட்பட தமிழகத்தின் பல பகுதிகளில் வானம் மேக மூட்டத்துடன் காணப்பட்டு வருகிறது. நீலகிரி, கோவை உள்ளிட்ட மாவட்டங்களில் கனமழை பெய்து வருவது குறிப்பிடத்தக்கது.