ஜவான் படத்தின் முதல் சிங்கிள் அப்டேட்!
அட்லி இயக்கத்தில் நடிகர் ஷாருக்கான் நடிப்பில் ரிலீஸ்க்கு தயாராகி வரும் படம் ஜவான். நயன்தாரா, பிரியாமணி , விஜய் சேதுபதி, யோகி பாபு முக்கிய கதாப்பாத்திரத்தில் நடித்துள்ளனர். இவர்களுடன் சிறப்பு தோற்றத்தில் தீபிகா படுகோனேவும் நடித்துள்ளார். அனிரூத் இசையமைக்கும் இந்த படத்தை ஷாருக்கானின் ரெட் சில்லிஸ் நிறுவனம் தயாரிக்கிறது. வருகின்ற செப்டம்பர் 7ம் தேதி அன்று உலகமெங்கும் தமிழ், தெலுங்கு, ஹிந்தி ஆகிய மொழிகளில் வெளியாகிறது.
ஏற்கனவே இந்த படத்தின் டீசர் வெளியாகி நல்ல வரவேற்பைப் பெற்றது தொடர்ந்து முதல் சிங்கிள் விரைவில் வெளியாகும் என கூறப்பட்டு வந்த நிலையில் ஜவான் படத்தின் முதல் சிங்கிள் தமிழில் (வந்த இடம்), ஹிந்தியில் ( ஜிந்தா பந்தா) என்ற பெயர்களில் முதல் சிங்கிள் இன்று மதியம் 12.50 மணிக்கு வெளியாகும் என படக்குழுவினர் அறிவித்தனர்.
அதன்படி மூன்று மொழிகளிலும் இந்த பாடல் வெளியிடப்பட்டது. இந்த பாடலை அனிருத் பாடி உள்ளார். நூற்றுக்கணக்கான பெண் நடன கலைஞர்களுடன் ஷாரூக்கான் ஆடுவது போன்று இந்த பாடல் வெளியாகி உள்ளது. ஷாரூக்கான் உடன் நடிகை பிரியாமணியும் இணைந்து ஆடி உள்ளார்.