லோகேஷ் கனகராஜ் இயக்கத்தில் வெளியான படம் ‘மாஸ்டர்’. இந்தப்படத்தில் விஜய் ஜோடியாக மாளவிகா மோகனன் நடித்திருந்தார். தென்னிந்திய மொழி சினிமாக்களில் நடித்து வரும் இவர், சினிமாவில் பத்து வருடங்களை நிறைவு செய்துள்ளதாக கூறப்படுகிறது. இந்நிலையில் நடிகை மாளவிகா மோகனன் தனது திரைப்பயணம் குறித்து முக்கியமான முடிவு ஒன்றை எடுத்துள்ளார்.
பிரபல ஒளிப்பதிவாளர் கே.யு. மோகனின் மகளான மாளவிகா துல்கர் சல்மான் நடிப்பில் வெளியான ‘பட்டம் போல’ என்ற மலையாள படம் மூலம் சினிமாவில் அறிமுகமானவர். அதன்பின்னர் ரஜினியின் பேட்ட படத்தில் சசிகுமார் ஜோடியாக தமிழ் சினிமாவில் நுழைந்த மாளவிகா மோகனன் விஜய்யின் ‘மாஸ்டர்’ படத்தில் விஜய் ஜோடியாக ரசிகர்கள் மத்தியில் பிரபலமானார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் சினிமாவில் நுழைந்து பத்து வருடங்கள் நிறைவடைந்துள்ளதை தொடர்ந்து முக்கியமான முடிவு ஒன்றை எடுத்துள்ளார் மாளவிகா மோகனன். இதுதொடர்பாக அவர் கூறும் போது, சினிமா துறையில் நுழைந்து பத்து வருடங்கள் நிறைவடைந்துள்ளது. இனிமேல் என்னுடைய கதாபாத்திரங்களுக்கு முக்கியத்துவம் அளிக்கும் படங்களில் மட்டும் நடிப்பது என்று முடிவு செய்துள்ளேன்.
ரூபாய். 500 கோடி பட்ஜெட் வசூலிக்கும் பெரிய பட்ஜெட் படமாக இருந்தாலும் என்னுடைய கதாபாத்திரத்திற்கு முக்கியத்துவம் இல்லை என்றால் அந்தப்படங்களில் நடிப்பதில்லை என முடிவெடுத்துள்ளேன். படம் ஓடி வசூலில் சாதனை படைத்தாலும் என்னுடைய கதாபாத்திரத்தை யாரும் நினைவில் வைத்துக்கொள்ள மாட்டார்கள் என தெரிவித்துள்ளார்.
Chandramukhi 2: வேட்டையன் ராஜாவாக மிரள விடும் ராகவா லாரன்ஸ்: பராக்.. பராக்..!
மேலும், நான் சிறு வயது முதலே ரசித்த ஊர்வசி, ஷோபானா, கஜோல் உள்ளிட்ட நடிகைகள் அனைவரும் ரசிகர்களின் மனதில் நிற்கும் கதாபாத்திரத்திங்க்களை தேர்வு செய்து நடித்தனர். அதே போல் நானும் திறமையான இயக்குனர்களின் படங்களில் நடிக்க ஆசைப்படுகிறேன் எனவும் கூறியுள்ளார். மாளவிகா மோகனன் இந்த திடீர் முடிவு ரசிகர்கள் மத்தியில் ஆச்சரியத்தை ஏற்படுத்தியுள்ளது.
மாளவிகா மோகனன் தற்போது தமிழில் ‘தங்கலான்’ படத்தில் நடித்துள்ளார். பா. ரஞ்சித் இயக்கத்தில் விக்ரம் நடிப்பில் உருவாகியுள்ளது இந்தப்படம். பிரம்மாண்ட பட்ஜெட்டில் கேஜிஎப் குறித்த உண்மை வரலாற்றை கூறும் விதமாக இந்தப்படத்தை இயக்கி வருகிறார் பா. ரஞ்சித். இதன் படப்பிடிப்பு முழுமையாக நிறைவடைந்துள்ளதாக கூறப்படுகிறது. ‘தங்கலான்’ படத்தில் மாளவிகா மோகனன் திரை வாழ்வில் மிகப்பெரிய திருப்பத்தை ஏற்படுத்தும் என எதிர்பார்க்கப்படுகிறது.
Nayanthara: நயன்தாரா குழந்தைகளுக்கு என் மடில வைச்சுதான் காதுகுத்து: பிரபல நடிகர் பகிர்ந்த தகவல்.!