கே.எஸ். ரவிக்குமார் இயக்கத்தில் உலக நாயகன் கமல் ஹாசன், மீனா, ஜெமினி கணேசன், ஹீரா, எஸ்.பி.பி. உள்ளிட்டோர் நடிப்பில் கடந்த 1996ம் ஆண்டு வெளியான அவ்வை சண்முகி படம் சூப்பர் டூப்பர் ஹிட்டானது.
யாருடா சூப்பர் ஸ்டார் நெத்தியடி பதில் கொடுத்த ரஜினி
அந்த படத்தில் பெண் வேடமிட்டு அசத்தியிருந்தார் கமல் ஹாசன். மாமி கெட்டப்பில் அவர் கனல் கண்ணனுடன் சண்டை போட்டது, பைக் ஓட்டியது, ஜெமினியை அலேக்காக தூக்கியதை எல்லாம் மறக்கத் தான் முடியுமா?. களத்தூார் கண்ணம்மா படத்தில் காதல் மன்னன் ஜெமினி கணேசனுக்கு மகனாக நடித்து திரையுலகிற்கு வந்தார் கமல்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அப்படி இருக்கும்போது அவ்வை சண்முகி படத்தில் பெண் வேடத்தில் இருக்கும் கமல் மீது ஜெமினி கணேசனுக்கு காதல் வந்ததை பார்த்து சிரிக்காமல் இருக்கத் தான் முடியுமா?. சரி விஷயத்திற்கு வருவோம்.
அவ்வை சண்முகி படத்தில் கமலுக்கு மனைவியாக நடித்திருந்தார் மீனா.
அந்த படத்தில் நடித்தது பற்றி மீனா பேட்டி ஒன்றில் கூறியதாவது,
அவ்வை சண்முகி படத்தில் நடிக்க ஒப்புக் கொண்டபோது, கமல் ஹாசனின் ஒவ்வொரு படத்திலும் முத்தக் காட்சி இருக்கும் என்று எனக்கு தெரியும். இன்று முத்தக் காட்சியை படமாக்குகிறோம் என இயக்குநர் கே.எஸ். ரவிக்குமார் என்னிடம் கூறியதும் எனக்கு பயமாகிவிட்டது.
கேரவனுக்கு ஓடிப் போய் அம்மாவிடம் சொன்னேன். அழுகையே வந்துவிட்டது. ஆனால் ஷூட் நேரம் வந்தபோது முத்தம் கொடுப்பது போன்று கமல் என் அருகில் வந்து முத்தக் காட்சி இல்லை என்றார். அதை கேட்டு நான் சந்தோஷத்தில் துள்ளிக் குதித்தேன் என்றார்.
அவ்வை சண்முகி படத்தில் தன் அப்பாவித்தனமான நடிப்பால் ரசிகர்களை கவர்ந்தார் மீனா. அந்த படத்தில் நடித்த அனைவருமே ரசிகர்களின் கவனத்தை ஈர்த்தார்கள். மணிவண்ணன், நாசர், டெல்லி கணேஷ், நாகேஷ் என அனைவருமே ரசிகர்களின் கைதட்டல்களை பெற்றார்கள்.
ரொம்ப டென்ஷனாக இருக்கும்போது அவ்வை சண்முகி படம் பார்த்தால் சந்தோஷமாக சிரித்துவிடுவீர்கள். அது தான் அந்த படத்தின் ஸ்பெஷலே.
Jailer: 40 வயது மூத்தவரான ரஜினியுடன் நடிப்பதா?: தமன்னா சொன்ன சூப்பர் பதில்
கணவர் வித்யாசாகரை இழந்த மீனா தற்போது தான் அதில் இருந்து மெல்ல மெல்ல வெளியே வந்து கொண்டிருக்கிறார். மீண்டும் படப்பிடிப்புகளில் பங்கேற்று வருகிறார். பேட்டிகள் அளிக்கிறார். மீனாவை பழையபடி சிரித்த முகமாக பார்த்த பிறகே ரசிகர்கள் நிம்மதி அடைந்திருக்கிறார்கள்.
மகள் நைனிகாவுக்கு அம்மாவும், அப்பாவுமாக இருந்து வருகிறார் மீனா. அவர் தற்போது ரவுடி பேபி படத்தில் நடித்து வருகிறார். மேலும் மலையாள டிவி நிகழ்ச்சிகளில் நடுவராக இருந்து வருகிறார்.
குழந்தை நட்சத்திரமாக திரையுலகிற்கு வந்த மீனா கடந்த 1990ம் ஆண்டு ஹீரோயினானார். 30 ஆண்டுகளுக்கும் மேல் தொடர்ந்து ஹீரோயினாகவே நடித்து வருகிறார்.
அவர் இப்படி ஒரு சாதனையை செய்ததை மீனாவுக்கு நினைவுபடுத்தியதே கணவர் வித்யாசாகர் தான். நான் கூட யோசிக்கல, அவர் தான் சொன்னார் என முன்பு தெரிவித்தார் மீனா.