விஜய், வெங்கட் பிரபு இணையும் கூட்டணியின் பட அறிவிப்பிற்காக கோலிவுட் சினிமாவே பெரும் எதிர்பார்ப்புடன் வெயிட் பண்ணி வருகிறது. ‘தளபதி 68’ படமே இன்னமும் துவங்காத நிலையில், படத்தில் யார் யார் நடிக்க போகிறார்கள் என்ற எதிர்பார்ப்பு தற்போதே ரசிகர்கள் மத்தியில் நிலவி வருகிறது. இந்நிலையில் இந்தப்படம் குறித்து நடிகை தமன்னா பேசியுள்ளது இணையத்தில் வைரலாகி வருகிறது.
தமிழ் சினிமாவின் முன்னணி நடிகரான விஜய் முதன்முறையாக வெங்கட் பிரபுவுடன் இணைந்துள்ளது ரசிகர்கள் மத்தியில் பெரும் எதிர்பார்ப்பை கிளப்பியுள்ளது. ‘லியோ’ பட ஷுட்டிங் நடந்து கொண்டிருந்த சமயத்திலே இந்தப்படம் குறித்த அறிவிப்பு வெளியானது. ஏஜிஎஸ் எண்டர்டெயின்மென்ட் தயாரிப்பில் உருவாகவுள்ள ‘தளபதி 68’ படத்திற்கு யுவன் ஷங்கர் ராஜா இசையமைக்கவுள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அஜித்தை வைத்து ‘மங்காத்தா’ என்ற மிகப்பெரிய வெற்றி படத்தை கொடுத்த வெங்கட் பிரபு இயக்கத்தில் தற்போது விஜய் நடிக்கவுள்ளது தான் கோலிவுட் சினிமாவின் ஹாட் டாபிக்காக உள்ளது. அது மட்டுமில்லாமல் இந்தப்படத்தின் அறிவிப்பு ‘சும்மா தெறிக்கும்’ என வெங்கட் பிரபு சமீபத்தில் கூறியிருந்தார். இந்நிலையில் இந்தப்படம் குறித்து பேட்டி ஒன்றில் தமன்னா பேசியுள்ளது இணையத்தில் வைரலாகி வருகிறது.
அண்மையில் நேர்காணல் ஒன்றில் பங்கேற்ற தமன்னாவிடம் விஜய்யிடம் கேட்க விரும்பும் கேள்வி என்ன என கேட்கப்பட்டது. அதற்கு பதிலளித்தவர், விஜய்யின் ‘தளபதி 68’ படத்தில் இருக்கிறேனா? இல்லையா? என்று கேட்க விரும்புவதாக தெரிவித்துள்ளார். தமன்னா தற்போது ரஜினியின் ‘ஜெயிலர்’ படத்தில் நடித்து முடித்துள்ளார். இந்தப்படத்தில் இடம்பெற்றுள்ள ‘காவாலா’ பாடலால் டிரெண்டிங்கில் கலக்கி வருகிறார் தமன்னா.
ரூ.500 கோடி பட்ஜெட்டாக இருந்தாலும் நடிக்க மாட்டேன்: மாளவிகா மோகனன் திடீர் முடிவு.!
விஜய் தற்போது ‘லியோ’ படத்தில் நடித்து முடித்துள்ளார். லோகேஷ் கனகராஜ் இயக்கத்தில் பெரும் எதிர்பார்ப்பிற்கு இடையில் உருவாகியுள்ளது இந்தப்படம். ‘மாஸ்டர்’ படத்தின் மூலம் பிரம்மாண்ட வெற்றியை பெற்ற விஜய், லோகேஷ் கனகராஜ் கூட்டணி இரண்டாவது முறையாக ‘லியோ’ படத்தில் இணைந்துள்ளனர். இதன் படப்பிடிப்பு முடிந்து தற்போது போஸ்ட் புரொடக்ஷன் பணிகள் தற்போது தீவிரமாக நடந்து வருகிறது.
கடந்த சில தினங்களுக்கு முன்பாக சஞ்சய் தத் பிறந்தநாளை முன்னிட்டு ஸ்பெஷல் கிளிம்ப்ஸ் வீடியோவை படக்குழுவினர் வெளியிட்டுள்ளனர். ஆண்டனி தாஸ் என்ற கதாபாத்திரத்தில் அவர் நடித்துள்ள ‘லியோ’ படத்தின் மிரட்டலான வீடியோ வெளியாகி ரசிகர்கள் மத்தியில் வரவேற்பை பெற்றது. செவன் ஸ்கிரீன் தயாரிப்பில் அனிருத் இசையமைத்துள்ள ‘லியோ’ அக்டோபர் 19 ஆம் தேதி வெளியாகவுள்ளது குறிப்பிடத்தக்கது.
கொண்டாடப்படும் ‘மாமன்னன்’ ரத்னவேல் கதாபாத்திரம்.. மாரி செல்வராஜ் எச்சரிக்கை: வைரலாகும் ட்வீட்.!