ரஜினியின் நடிப்பில் நெல்சனின் இயக்கத்தில் சமீபத்தில் வெளியான ஜெயிலர் திரைப்படம் ரசிகர்களின் வரவேற்பை பெற்று வருகின்றது. ரஜினியின் சமீபகால திரைப்படங்கள் சொல்லிக்கொள்ளும் அளவிற்கு வெற்றியை பெறவில்லை. அதே போல நெல்சனின் இயக்கத்தில் கடைசியாக வெளியான பீஸ்ட் திரைப்படமும் கலவையான விமர்சனங்களை பெற்றது.
எனவே ரஜினி மற்றும் நெல்சன் இருவரும் இப்படத்தின் மூலம் வெற்றிப்பாதைக்கு திரும்ப முயற்சித்தனர். அந்த முயற்சியில் தற்போது வெற்றியும் பெற்றுள்ளனர். கடந்த ஆகஸ்ட் 10 ஆம் தேதி திரையில் வெளியான ஜெயிலர் திரைப்படம் மிகப்பெரிய வரவேற்பை பெற்று வசூல் சாதனை செய்து வருகின்றது.
பீஸ்ட் விமர்சனம்
முதல் இரண்டு நாட்களில் நூறு கோடி வசூல் செய்துள்ளது. இதையடுத்து படத்திற்க்கு பாசிட்டிவான டாக் இருந்து வருவதால் இப்படம் வசூலில் மேலும் சாதனை செய்யும் என எதிர்பார்க்கப்படுகின்றது. இந்நிலையில் நெல்சனின் முந்தைய படமான பீஸ்ட் கலவையான விமர்சனங்களை பெற்றது. இதன் காரணமாக நெல்சன் கடுமையான விமர்சனங்களை சந்தித்தார். மேலும் பல ட்ரோல்களுக்கு ஆளானார்.
Jailer collection: ஜெயிலர் படத்தின் இரண்டாம் நாள் வசூல் விவரம்..கெத்து காட்டும் தலைவர்..!
இதைத்தொடர்ந்து அவருக்கு ரஜினியின் ஜெயிலர் படத்தை இயக்கும் வாய்ப்பும் பறிபோகும் என வதந்திகள் பரவின. ஆனால் ரஜினி நெல்சனின் மீது நம்பிக்கை வைத்து ஜெயிலர் படத்தை இயக்கும் வாய்ப்பை கொடுத்தார். அந்த நம்பிக்கையை நெல்சன் காப்பாற்றியுள்ளார் என்றுதான் சொல்லவேண்டும்.
படத்தை பார்த்த ரசிகர்கள் அனைவரும் நீண்ட நாட்களுக்கு பிறகு பழைய ரஜினியை திரையில் பார்த்ததாக கூறி வருகின்றனர். மேலும் ரஜினிக்கு மிகப்பெரிய கம்பாக்கை கொடுத்த நெல்சனுக்கு நன்றியை தெரிவித்து வருகின்றனர் ரசிகர்கள். இதையடுத்து சமீபத்தில் நெல்சன் ஊடகங்களுக்கு பேட்டி கொடுத்து வருகின்றார். அந்த பேட்டிகளில் பல விஷயங்களை பற்றி பேசிவரும் நெல்சன், விஜய்யை பற்றியும் மனம்திறந்து பேசியுள்ளார்.
விஜய்யின் ரியாக்ஷன்
அதாவது பீஸ்ட் படம் நெகடிவான விமர்சனங்களை பெற்றது. அப்போது நெல்சனை அழைத்து பேசிய விஜய், நீ என்கிட்டே சொன்னதை சரியா எடுத்து கொடுத்துட்ட, நெகட்டிவ் விமர்சனங்கள் வந்தா பரவாயில்லை. அடுத்த படத்தில் பார்த்துக்கலாம் என கூறினார் விஜய். இதைத்தொடர்ந்து நெல்சன், என்மீது எந்த கோபமும் உங்களுக்கு இல்லையே என கேட்டுள்ளார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்த கேள்வியை சற்றும் எதிர்பார்க்காத விஜய், யோவ் ,கோபமா ? அவ்ளோதான் நம்ப பழக்கமா ? இந்த படம் மிஸ்ஸான வேற படம் பண்ணப்போறோம். அதுல என்ன இருக்கு என பேசியுள்ளார் விஜய். இதனை நெல்சன் சமீபத்திய பேட்டியில் கூறியுள்ளார். என்னதான் பீஸ்ட் படம் சரியாக போகவில்லை என்றாலும் நெல்சன் ஒவ்வொரு பேட்டிகளிலும், நிகழ்ச்சிகளிலும் விஜய்யை பற்றி உயர்வாகவே பேசியுள்ளார். அதற்கு காரணம் விஜய்யும் நெல்சனும் படத்திற்கு அப்பாற்பட்டு பழகியுள்ளனர் என்பது தான் அர்த்தம்.