சாய் பல்லவியும் சரி, கீர்த்தி சுரேஷும் சரி தெலுங்கு திரையுலகில் பிரபலமாக இருக்கிறார்கள். இந்நிலையில் தான் ஒரு படத்தில் சாய் பல்லவி அல்லது கீர்த்தி சுரேஷை நடிக்க வைப்பது குறித்து படக்குழு குழம்புவதாக தெலுங்கு ஊடகங்கள் செய்தி வெளியிட்டுள்ளன.
சிகரெட் வச்சி மட்டும் தான் ஸ்டைல் காட்டணுமா? அத மிஸ் யூஸ் பண்ணாதீங்க.!
Chandoo Mondeti இயக்கத்தில் நடிக்கவிருக்கிறார் நாக சைதன்யா. இன்னும் பெயர் வைக்கப்படாத அந்த படத்தை தற்போதைக்கு என்.சி.23 என்று அழைக்கிறார்கள். மீனவ மக்களின் வாழ்க்கையை பற்றிய அந்த படத்தின் பட்ஜெட் ரூ. 60 கோடியாம்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அந்த படத்தில் ஹீரோயினுக்கு வெயிட்டான கதாபாத்திரமாம். அந்த கதாபாத்திரத்திற்கு சாய் பல்லவி தான் சரியாக இருப்பார் என இயக்குநர் சந்தூ நினைக்கிறாராம். ஆனால் அவரின் உதவியாளர்களோ கீர்த்தி சுரேஷை நடிக்க வைக்க வேண்டும் என்கிறார்களாம்.
சாய் பல்லவியும், கீர்த்தி சுரேஷும் கொடுத்த கதாபாத்திரமாகவே மாறிவிடுவார்கள் என்பது இயக்குநருக்கு தெரியும். இந்நிலையில் தன் விருப்பப்படி சாய் பல்லவியை நடிக்க வைப்பதா இல்லை குழுவினர் சொல்வது போன்று கீர்த்தி சுரேஷை நடிக்க வைப்பதா என குழப்பத்தில் இருக்கிறாராம்.
இது குறித்து தெலுங்கு ஊடகங்கள் செய்தி வெளியிட்டிருப்பதை பார்த்த ரசிகர்களோ, ரொம்ப கஷ்டம் தான் என்கிறார்கள். சிலர் சாய் பல்லவியை ஹீரோயினாக்குமாறு கூறுகிறார்கள். சிலர் கீர்த்தி சுரேஷின் பெயரை கூறுகிறார்கள்.
முன்னதாக லவ் ஸ்டோரி படத்தில் நாக சைதன்யாவும், சாய் பல்லவியும் ஜோடியாக நடித்தார்கள். அவர்களுக்கு இடையேயான கெமிஸ்ட்ரி ரசிகர்களுக்கு பிடித்திருந்தது. கீர்த்தி சுரேஷும், நாக சைதன்யாவும் இதுவரை சேர்ந்து நடித்தது இல்லை.
Sai Pallavi: விபூதியை விரும்பி சாப்பிடும் சாய் பல்லவி: டேஸ்ட் சூப்பரா இருக்காம்
சாய் பல்லவி தற்போது சிவகார்த்திகேயனின் எஸ்.கே. 21 படத்தில் நடித்து வருகிறார். கமல் ஹாசன் தயாரிக்கும் அந்த படத்தை ராஜ்குமார் பெரியசாமி இயக்கிக் கொண்டிருக்கிறார்.
கீர்த்தி சுரேஷ் நடித்த போலா ஷங்கர் படம் ஜெயிலருக்கு மறுநாள் அதாவது ஆகஸ்ட் 11ம் தேதி ரிலீஸானது. அஜித் குமாரின் வேதாளம் படத்தை தான் சிரஞ்சீவி, தமன்னா, கீர்த்தி சுரேஷை வைத்து போலா ஷங்கர் என்கிற பெயரில் தெலுங்கில் ரீமேக் செய்து வெளியிட்டார்கள்.
அந்த படத்தில் சிரஞ்சீவியின் தங்கையாக நடித்திருந்தார் கீர்த்தி சுரேஷ். தெலுங்கானா, ஆந்திராவில் ஜெயிலருக்கு கடும் போட்டியாக போலா ஷங்கர் இருக்கும் என எதிர்பார்க்கப்பட்டது. ஆனால் போலா ஷங்கரை ஓரம் கட்டிவிட்டு ரஜினியின் ஜெயிலர் படம் தான் வசூல் செய்து கொண்டிருக்கிறது.
முன்னதாக சிறுத்தை சிவா இயக்கத்தில் சூப்பர் ஸ்டார் ரஜினிகாந்த் நடிப்பில் வெளியான அண்ணாத்த படத்தில் அவருக்கு தங்கையாக நடித்தார் கீர்த்தி சுரேஷ்.
இந்நிலையில் கீர்த்தி சுரேஷுக்கும், தங்கச்சி பாப்பா கதாபாத்திரத்திற்கும் ஒத்து வரவில்லை. அதனால் அவர் தன் திறமையை வீணடிக்காமல் இனியாவது சீனியர் ஹீரோக்களுக்கு தங்கையாக நடிப்பதை நிறுத்த வேண்டும் என ரசிகர்கள் கோரிக்கை விடுத்துள்ளனர்.
Dhanush: கைவிடப்பட்ட அஜித் குமார், தனுஷ் படம்: அது மட்டும் வந்திருந்தால்…
இந்நிலையில் மாமன்னன் படத்தின் 50வது நாள் விழாவில் சேலையில் அழகாக வந்த கீர்த்தி சுரேஷை பற்றி சமூக வலைதளங்களில் பேசி வருகிறார்கள். மாரி செல்வராஜ் இயக்கத்தில் வெளியான மாமன்னன் படத்தில் உதயநிதி ஸ்டாலினுக்கு ஜோடியாக நடித்தார் கீர்த்தி சுரேஷ்.