கடந்த 10 ஆம் தேதி வெளியான ‘ஜெயிலர்’ படம் வசூலில் தொடர்ச்சியாக பல புதிய சாதனைகளை படித்து வருகிறது.
அதிக லாபம்ரஜினியின் ‘ஜெயிலர்’ படம் பல்வேறு சாதனைகளை படைத்து வருகிறது. இந்தாண்டு வெளியான படங்களில் திரையரங்கு உரிமையாளர்கள், விநியோகஸ்தர்களுக்கு அதிகம் லாபம் கொடுத்த படமாகவும் ‘ஜெயிலர்’ சாதனை படைத்துள்ளது. இதனால் படக்குழுவினர் மிகுந்த உற்சாகத்தில் உள்ளனர். ரசிகர்களும் தலைவர் இஸ் பேக் என இணையத்தில் தொடர்ச்சியாக பயர் விட்டு வருகின்றனர்.
ரசிகர்கள் கொண்டாட்டம்’பீஸ்ட்’ படத்தால் பல ட்ரோல்களில் சிக்கி படாதபாடு பட்ட நெல்சன் திலீப்குமார் ‘ஜெயிலர்’ மூலமாக மீண்டும் தன்னை நிரூபித்துள்ளார். ரஜினி ரசிகர்களும் அவரை தலையில் தூக்கி வைத்து கொண்டாடி வருகின்றனர். அத்துடன் கமல், விஜய் உள்ளிட்ட திரைத்துறையை சார்ந்தவர்களிடம் இருந்தும் ஜெயிலருக்காக நெல்சனுக்கு வாழ்த்துக்கள் குவிந்த வண்ணம் உள்ளது.
வசூல் சாதனை’ஜெயிலர்’ படம் வசூலிலும் பல சாதனைகளை படைத்து வருகிறது. நாளுக்கு நாள் படத்தின் கலெக்ஷன் அதிகரித்து வருவது திரையரங்கு உரிமையாளர்களுக்கு பெரும் கொண்டாட்டத்தை ஏற்படுத்தியுள்ளது. தமிழ்நாடு மட்டுமல்லாமல் அண்டை மாநிலங்களிலும் படத்திற்கு மிகப்பெரிய ஒபனிங்கும், வசூலும் கிடைத்துள்ளது. இதனால் ‘ஜெயிலர்’ பாக்ஸ் ஆபிஸில் பல புதிய சாதனைகளை படைத்து வருகிறது.
ரூ. 500 கோடி வசூல்இந்நிலையில் ‘ஜெயிலர்’ படம் முதல் வார முடிவில் ரூ. 402 கோடி வரை வசூலித்துள்ளது. இதுவரை வெளியான படங்களில் எந்த படமும் ஒரே வாரத்தில் ரூ. 400 கோடி வசூலை தாண்டாத நிலையில், ‘ஜெயிலர்’ ஒரே வாரத்தில் ரூ. 402 கோடியை வசூலித்து புதிய சாதனை படைத்துள்ளது. அத்துடன் ரூ. 500 கோடி வசூலையும் படம் எட்டியுள்ளதாக கூறப்படுகிறது.
கன்னட சூப்பர் ஸ்டார்கடந்த 10 ஆம் தேதி வெளியான ஜெயிலருக்கு தற்போது வரை வரவேற்பு குறையாமல் உள்ளது. மேலும் நீண்ட இடைவேளைக்கு பிறகு விண்டேஜ் தலைவரை திரையில் பார்த்துவிட்டதாகவும் ரசிகர்கள் ஆரவாரம் செய்து வருகின்றனர். இதனிடையில் ‘ஜெயிலர்’ படத்தால் கன்னட சூப்பர் ஸ்டார் சிவராஜ்குமாரும் தமிழ் ரசிகர்களிடையே வரவேற்பை பெற்றுள்ளார். அவரின் அடுத்த தமிழ் படத்திற்காக காத்திருக்கும் அளவிற்கு ஜெயிலரில் சைலண்டாக வந்து சம்பவம் செய்துவிட்டார்.