‘ஜெயிலர்’ படத்தின் பிரம்மாண்ட வெற்றியால் உச்சக்கட்ட கொண்டாட்டத்தில் உள்ளார் ரஜினி. யார் சூப்பர் ஸ்டார் என்ற விவாதத்துக்கு இடையில் கிடைத்துள்ள இந்த வெற்றி ரஜினிக்கு புது உத்வேகத்தை கொடுத்துள்ளது. படத்திற்கு நாளுக்கு நாள் அதிகரிக்கும் வசூல் காரணமாகவும் படக்குழுவினர் கொண்டாட்டத்தில் உள்ளனர்.
‘ஜெயிலர்’ வெற்றியை தொடர்ந்து ரஜினி அடுத்து நடிக்கவுள்ள படத்திற்கு மிகுந்த எதிர்பார்ப்பு கிளம்பியுள்ளது. நெல்சன் திலீப்குமாரை தொடர்ந்து த.செ. ஞானவேல் இயக்கத்தில் நடிக்கவுள்ளார் ரஜினிகாந்த். லைகா நிறுவனம் இந்தப்படத்தை தயாரிக்கவுள்ளது. ஆக்ஷன் படமான ஜெயிலரை தொடர்ந்து ‘தலைவர் 170’ படத்தில் அழுத்தமான திரைக்கதையில் நடிக்கவுள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படம் ரசிகர்கள் மத்தியில் மிகுந்த எதிர்பார்ப்பை கிளப்பியுள்ளது. ‘ஜெய் பீம்’ படம் மூலம் கவனம் ஈர்த்த த.செ. ஞானவேல் இந்தப்படத்தை இயக்கவுள்ளார். சூர்யா, மணிகண்டன், லியோமோல் ஜோஸ், பிரகாஷ் ராஜ், தமிழ் உள்ளிட்டோர் நடிப்பில் வெளியாகி விமர்சனரீதியாக பெரும் வரவேற்பை பெற்றது ‘ஜெய் பீம்’. அரசியல் கட்சி தலைவர்கள், திரையுலக பிரபலங்கள் என அனைவர் மத்தியிலும் பாராட்டுக்களை குவித்தது ‘ஜெய் பீம்’.
இந்தப்படத்தை இயக்கிய த.செ. ஞானவேல் தான் ரஜினியின் ‘தலைவர் 170’ படத்தை இயக்கவுள்ளார். இயக்கத்தில் தான் அடுத்ததாக ரஜினி நடிக்கவுள்ளார். இந்நிலையில் ‘ஜெயிலர்’ பட வெற்றியை தொடர்ந்து ரஜினியின் அடுத்த படத்திற்கான வேலைகள் வேகமெடுக்க துவங்கியுள்ளது. அந்த வகையில் இன்று சென்னையில் ‘தலைவர் 170’ படத்திற்கான பூஜை நடந்து முடிந்துள்ளதாக தகவல்கள் வெளியாகியுள்ளன.
ரூ. 500 கோடியை கடந்த ‘ஜெயிலர்’ பட வசூல்: சத்தமில்லாமல் வெற்றியை கொண்டாடிய ரஜினி.!
இந்நிகழ்வில் ரஜினி, இயக்குனர் ஞானவேல், லைகா சுபாஸ்கரன் உள்ளிட்ட பலர் கலந்து கொண்டுள்ளதாகவும் கூறப்படுகிறது. கடந்த சில தினங்களுக்கு முன்பு தான் ‘ஜெயிலர்’ சக்சஸ் பார்ட்டி நடந்து முடிந்தது. இதில் நடிகர் ரஜினி கலந்துக்கொண்டார். இதனையடுத்து தற்போது ‘தலைவர் 170’ படத்திற்கான பூஜை நடந்துள்ளது.
இந்தப்படத்தில் ஒய்வு பெற்ற முஸ்லீம் அதிகாரியாக ரஜினி நடிக்கவுள்ளதாக கூறப்படுகிறது. உண்மை சம்பவங்களை அடிப்படையாக கொண்டு மரண தண்டனைக்கு எதிராக ரஜினி போராடுவதை போன்று இந்தப்படத்தின் கதைக்களம் அமைக்கப்பட்டுள்ளதாகவும் தகவல்கள் வெளியாகியுள்ளன. மேலும் இந்தப்படத்திற்கு ‘வேட்டையன்’ என டைட்டில் வைக்கப்பட்டுள்ளதாகவும் சினிமா வட்டாரங்கள் தெரிவிக்கின்றன. இதனால் ‘தலைவர் 170’ படம் மீது ரசிகர்களிடையே மிகுந்த எதிர்பார்ப்பு நிலவி வருகிறது.
‘ஜெயிலர்’ பட நடிகருக்கு ரஜினி கொடுத்த ஸ்பெஷல் கிஃப்ட்: கேட்டதும் கொடுத்துட்டாராம்.!