புரமோஷன்களில் கலந்துகொள்ள மறுத்த அனுஷ்கா!
சில ஆண்டு இடைவெளிக்கு பிறகு அனுஷ்கா நடித்துள்ள படம் ‛மிஸ் ஷெட்டி மிஸ்டர் பொலிஷெட்டி'. இப்படத்தில் அனுஷ்காவுடன் இணைந்து நவீன் பாலி செட்டி நடித்திருக்கிறார். இந்த படத்தின் டிரைலர் சமீபத்தில் வெளியாகி நேர்மறையான விமர்சனங்களை பெற்றது. இப்படத்தில் அனுஷ்கா சமையல் கலை வல்லுனராக நடித்துள்ளார். செப்டம்பர் 7ம் தேதி திரைக்கு வரும் இப்படத்தின் டிரைலர் வெளியானதை அடுத்து தற்போது படத்தை விளம்பரப்படுத்தும் பணிகள் தொடங்கப்பட்டுள்ளது.
ஆந்திரா மற்றும் தெலுங்கானாவில் உள்ள பல்வேறு நகரங்களில் இப்படத்தின் புரமோஷன் நிகழ்ச்சிகள் நடைபெற்று வருகிறது. இந்த புரமோஷன் நிகழ்ச்சிகளில் இப்பட நாயகனான நவீன் பொலிஷெட்டி மட்டுமே கலந்து கொண்டு வரும் நிலையில், அனுஷ்கா பங்கேற்கவில்லை. இதேபோல்தான் சமீபத்தில் குஷி படத்தின் புரமோஷன் நிகழ்ச்சிகளிலும் சமந்தா கலந்து கொள்ளாமல், விஜய் தேவர கொண்டா மட்டுமே கலந்து கொண்டார் என்பது குறிப்பிடத்தக்கது.