தமிழ் சினிமாவில் முன்னணி நடிகராக திகழும் தனுஷ் பாலிவுட், டோலிவுட், ஹாலிவுட் என கலக்கி வருகிறார். நடிப்பு அசுரரான இவர் தற்போது ‘கேப்டன் மில்லர்’ படத்தில் நடித்து முடித்துள்ளார். இதனையடுத்து அடுத்தடுத்து பல படங்களில் கமிட் ஆகி பிசியாக இயங்கி வருகிறார். இந்நிலையில் தெலுங்கு இயக்குனருடன் தனுஷ் இணைந்துள்ள புதிய படம் குறித்து வெளியாகியுள்ள லேட்டஸ்ட் அப்டேட் சோஷியல் மீடியாவில் வைரலாகி வருகிறது.
பிரபல தெலுங்கு இயக்குனர் சேகர் கம்முலா தனுஷின் 51 வது படத்தை இயக்கவுள்ளார். தமிழ், தெலுங்கு மொழிகளில் வெளியாகி வரவேற்பை பெற்ற ‘வாத்தி’ படத்தின் வெற்றியை தொடர்ந்து மீண்டும் தெலுங்கு இயக்குனருடன் இணைந்துள்ளார் தனுஷ். தேசிய விருது பெற்ற சேகர் கம்முலா இயக்கத்தில் உருவாகவுள்ள இந்தப்படம் குறித்து பல மாதங்களாகவே பேச்சுக்கள் எழுந்தாலும், தனுஷின் பிறந்தநாளை முன்னிட்டு தான் D51 படம் குறித்த அதிகாரப்பூர்வ அறிவிப்பு வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படம் பான் இந்தியா அளவில் தமிழ், மலையாளம், தெலுங்கு, இந்தி மற்றும் கன்னடம் ஆகிய மொழிகளில் உருவாகவுள்ளது. மும்பை பின்னணியில் உருவாகவுள்ள இந்தப்படத்தில் தனுஷின் கதாபாத்திரம் புது விதமாக இருக்கும் என கூறப்படுகிறது.
இந்நிலையில் ‘D51’ படம் குறித்து வெளியாகியுள்ள லேட்டஸ்ட் தகவல் இணையத்தில் வைரலாகி வருகிறது. அது என்னவென்றால் நாகர்ஜுனா இந்தப்படத்தில் முக்கியமான கதாபாத்திரத்தில் நடிக்கவுள்ளதாக அறிவிப்பு வெளியாகியுள்ளன. ஏற்கனவே ‘தோழா’ படத்தில் கார்த்தியுடன் இணைந்து அசத்தலான நடிப்பை வழங்கியிருப்பார் நாகர்ஜுனா.
D51: ‘தனுஷ் 51’ படம் குறித்த அதிரடி அறிவிப்பு: பான் இந்தியா அளவில் மிரட்டலான சம்பவம்.!
இதனையடுத்து தற்போது முதன்முறையாக தனுஷுடன் இணைந்து நாகர்ஜுனா நடிக்கவுள்ளது ரசிகர்களிடையே பெரும் எதிர்பார்ப்பை கிளப்பியுள்ளது. இதனிடையில் சன் பிக்சர்ஸ் தயாரிப்பில் தனது 50 வது படத்தை இயக்கி நடிக்கிறார் தனுஷ். வடசென்னையை மையமாக வைத்து உருவாகும் இந்தப்படத்தில் மொட்டை தலை லுக்குடன் வலம் வருகிறார்.
எஸ்.ஜே. சூர்யா, சந்தீப் கிஷன், துஷாரா விஜயன் உள்ளிட்டோர் நடிக்கவுள்ள இந்தப்படத்திற்கு ஏ.ஆர். ரஹ்மான் இசையமைக்கிறார். இதனிடையில் ‘கேப்டன் மில்லர்’ படத்தில் நடித்து முடித்துள்ளார் தனுஷ். இந்தப்படத்தை ராக்கி, சாணிக்காயிதம் போன்ற படங்களை இயக்கிய அருண் மாதேவரன் இயக்கியுள்ளார். வரும் டிசம்பர் 15 ஆம் தேதி வெளியாகவுள்ள இந்தப்படத்தில் தனுஷுடன் கன்னட சூப்பர் ஸ்டார் சிவராஜ்குமார், சந்தீப் கிஷன், பிரியங்கா மோகன் உள்ளிட்டோர் இணைந்து நடித்துள்ளது குறிப்பிடத்தக்கது.
Captain Miller Teaser: ப்ரேமுக்கு ப்ரேம் மிரட்டல்.. கொல மாஸ்: கேப்டன் மில்லராக மிரள விடும் தனுஷ்.!