கோலமாவு கோகிலா படத்தில் துவங்கிய நெல்சனின் திரைப்பயணம் தற்போது டாப் கியரில் சென்றுகொண்டிருக்கிறது. கோலமாவு கோகிலா, டாக்டர் என இரு வெற்றிப்படங்களுக்கு பிறகு நெல்சன் தமிழ் சினிமாவில் அடுத்தகட்டத்திற்கு சென்றார். பீஸ்ட் படத்தில் விஜய்யை இயக்கிய நெல்சன் அடுத்ததாக ஜெயிலர் படத்தில் ரஜினியை இயக்கினார்.
என்னதான் பீஸ்ட் படத்தில் நெல்சன் சற்று சறுக்கினாலும் ஜெயிலர் படத்தின் மூலம் தரமான கம்பாக்கை கொடுத்தார். நெல்சனுக்கு மட்டுமல்லாமல் ரஜினிக்கும் ஜெயிலர் ஒரு காம்பாக் படமாக அமைந்தது.ஆகஸ்ட் 10 ஆம் தேதி வெளியான இப்படம் கடந்த மூன்று வாரங்களாக பல சாதனைகளை செய்து வருகின்றது. இதுவரை 500 கோடிக்கு மேல் வசூலித்துள்ளது ஜெயிலர் திரைப்படம்.
நெல்சனுக்கு அடித்த ஜாக்பாட்
இந்நிலையில் ஜெயிலர் படத்திற்கு பிறகு ரஜினி லால் சலாம், தலைவர் 170 என அடுத்தடுத்து படங்களில் நடித்து வருகின்றார். இதையடுத்து நெல்சனின் அடுத்த படம் என்ன என ரசிகர்கள் ஆவலாக கேட்டு வருகின்றனர். அந்த வகையில் நெல்சனின் அடுத்த படம் பற்றிய தகவல் தற்போது வெளியாகியுள்ளது.
Kamal about rajini: ரஜினியை போல யாரும் இல்லை என சொல்வேன்..ஓபனாக பேசிய கமல்..!
அதாவது நெல்சன் அடுத்த படத்தை பற்றி இன்னும் யோசிக்கவில்லையாம். மேலும் தொடர்நது பெரிய படங்களை அடுத்தடுத்து இயக்கி வந்ததால் ஒரு சிறிய இடைவேளை விட்டு தன் அடுத்த பட வேலைகளை நெல்சன் துவங்க இருப்பதாக தகவல் வந்துள்ளது. மேலும் நெல்சனின் அடுத்த படத்தை தயாரிக்க பலர் முன்வந்துள்ள நிலையில் சன் பிக்சர்ஸ் அந்த போட்டியில் முன்னிலையில் இருப்பதாக தெரிகின்றது.
டபுள்ளான நெல்சனின் சம்பளம்
நெல்சனுக்கு கிட்டத்தட்ட ஐம்பது கோடி வரை சன் பிக்சர்ஸ் சம்பளம் கொடுக்க தயாராக இருக்கின்றதாம். ஜெயிலர் படத்திற்காக 20 கோடி சம்பளம் வாங்கிய நெல்சன் தற்போது இரண்டு மடங்கு அதிகமான சம்பளத்தை தன் அடுத்த படத்திற்காக பெறப்போவதாக செய்திகள் வெளியாகி வருகின்றன.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ஆனால் இது உண்மையா இல்லை வதந்தியா என்பது பற்றி தெரியவில்லை. இருந்தாலும் ஜெயிலர் படத்தின் வியாபாரத்தை கருதி நெல்சனுக்கு இந்த சம்பளத்தை கொடுக்க அதிக வாய்ப்புகள் இருப்பதாகவே தெரிவது குறிப்பிடத்தக்கது.