சலார் படத்தின் டிரைலர் குறித்து தகவல் இதோ
பிரசாந்த் நீல் இயக்கத்தில் பிரபாஸ் நடிப்பில் உருவாகி வரும் படம் 'சலார்'. பிரித்விராஜ், ஸ்ருதிஹாசன், ஜெகபதி பாபு, ஸ்ரேயா ரெட்டி உள்ளிட்ட பலர் முக்கிய கதாபாத்திரத்தில் நடித்துள்ளனர். ஹோம்பாலே பிலிம்ஸ் தயாரித்துள்ள இப்படத்திற்கு ரவி பசூர் இசையமைக்கிறார். தெலுங்கு, தமிழ், ஹிந்தி, கன்னடம், மலையாளம் ஆகிய மொழிகளில் வருகின்ற செப்டம்பர் 28ம் தேதி அன்று வெளியாகிறது.
ஏற்கனவே இப்படத்தின் டீசர் வெளியாகி யு-டியூபில் 125 மில்லியன் பார்வையாளர்களை கடந்து புதிய சாதனையை நிகழ்த்தியது. சமீபத்தில் இந்த படத்தின் டிரைலர் ஆகஸ்ட் மாத இறுதியில் வெளியாக இருந்த நிலையில் செப்டம்பர் முதல் வாரத்திற்கு தள்ளி வைக்கப்பட்டதாக அறிவித்தனர். இப்போது இந்த படத்தின் டிரைலரை வருகின்ற செப்டம்பர் 6ம் தேதி அன்று வெளியிட திட்டமிட்டுள்ளதாக கூறப்படுகிறது. மேலும், ஜவான் படத்துடன் இணைத்து சலார் டிரைலரை திரையரங்குகளில் இடைவேளை நேரத்தில் திரையிட முடிவு செய்துள்ளதாகவும் தகவல் வெளியாகியுள்ளது.