பெங்களூரு மெட்ரோ என்றால் ’நம்ம மெட்ரோ’ என்ற பெயர் தான் பலருக்கும் நினைவுக்கு வரும். அதிவேகமாக வளர்ந்து வரும் பெங்களூரு நகரில் போக்குவரத்து நெரிசல் என்பது தவிர்க்க முடியாத ஒன்றாக மாறியுள்ளது. வெறும் 10 கிலோமீட்டர் தூரத்தை கடக்க ஒரு மணி நேரத்திற்கு மேல் ஆகிறது. சாலைகளில் தொடர்ந்து நெருக்கடி அதிகரித்து வருகிறது. ஒவ்வொரு நாளும் 4 வீலர் பயணிகள் 1 முதல் 1.5 மணி நேரமும், 2 வீலர் பயணிகள் 45 நிமிடங்களும் சராசரியாக போக்குவரத்து நெரிசலில் செலவிடுகின்றனர்.
பெங்களூரு மெட்ரோ ரயில் சேவைஇதற்கு மெட்ரோ ரயில் சேவை என்பது வரப்பிரசாதமாக அமைந்துள்ளது. தற்போது கெங்கேரி முதல் பையப்பனஹள்ளி வரையிலும், கே.ஆர்.புரம் முதல் ஒயிட்ஃபீல்டு வரையிலும் பர்பிள் லைன் மெட்ரோ ரயில்கள் இயக்கப்பட்டு வருகின்றன. இதையடுத்து சில்க் இன்ஸ்டிடியூட் முதல் நாகசந்திரா வரை க்ரீன் லைன் மெட்ரோ ரயில்கள் இயக்கப்பட்டு வருகின்றன.கருத்துக்கணிப்பு முடிவுகள்அடுத்தகட்டமாக பொம்மசந்திரா முதல் ராஷ்டிரிய வித்யாலயா சாலை வரை எல்லோ லைன் மெட்ரோவும், காலெனா அக்ரஹாரா முதல் நாகவரா வரை பிங்க் லைன் மெட்ரோவும், சென்ட்ரல் சில்க் போர்டு முதல் கெம்பகவுடா சர்வதேச விமான நிலையம் வரை ப்ளூ லைன் மெட்ரோவும் கட்டமைக்க பணிகள் நடந்து வருகின்றன. இந்நிலையில் Personal2Public என்ற பெயரில் B.PAC, WRI India, கார்ப்பரேட் மற்றும் சிவில் சொசைட்டி அமைப்புகள் ஒன்று சேர்ந்து கருத்துக்கணிப்பு ஒன்றை நடத்தியது.
ரூட் மாறும் வாகன ஓட்டிகள்இது சல்லகட்டா முதல் ஒயிட்பீல்டு வரையிலான பர்பிள் லைன், ராஷ்டிரிய வித்யாலயா சாலை முதல் பொம்மசந்திரா வரையிலான எல்லோ லைன் வழித்தடத்தை சேர்ந்த பயணிகளிடம் நடத்தப்பட்டது. இதன் முடிவுகள் மெட்ரோவின் தேவை எந்த அளவிற்கு பெங்களூருவாசிகளிடம் இருக்கிறது என்பதை உணர்த்துகிறது. அதாவது, 3,855 பேரிடம் நடத்தப்பட்ட கருத்துக்கணிப்பில் 95 சதவீதம் பேர் தங்களின் சொந்த டூ வீலர், 4 வீலர் வாகனங்களை விட்டு விட்டு மெட்ரோவில் அலுவலகம் செல்ல தயாராக இருப்பதாக தெரிவித்துள்ளனர்.
கடைசி மைல் கனெக்டிவிட்டிஇவர்களில் 60 சதவீதம் பேர் டூ வீலர் அல்லது 4 வீலர் வைத்திருக்கின்றனர். கருத்துக்கணிப்பு நடத்தப்பட்ட பெரும்பாலானோரில் ஒயிட்ஃபீல்டு, ஓ.ஆர்.ஆர், எலக்ட்ரானிக்ஸ் சிட்டி ஆகிய பகுதிகளை சேர்ந்தவர்கள். இவர்கள் மற்றொரு முக்கியமான விஷயத்தையும் முன்வைத்துள்ளனர். மெட்ரோ ரயில் நிலையங்களில் இருந்து கடைசி மைல் வரை போக்குவரத்து (First and Last Mile Connectivity), சரியான நடைபாதை, சைக்கிள் மூலம் பயணிக்க தனி வழித்தடம் ஆகிய வசதிகளை ஏற்படுத்தி தர வேண்டும் என்று கோரிக்கை விடுத்துள்ளனர்.
ஐடி ஊழியர்கள் எதிர்பார்ப்புஓ.ஆர்.ஆர் பகுதியில் மட்டும் 500 நிறுவனங்களில் 6.4 லட்சம் ஊழியர்கள் பணிபுரிந்து வருகின்றனர். இவர்கள் 3.4 லட்சம் வாகனங்களில் சென்ட்ரல் சில்க் போர்டில் இருந்து கே.ஆர்.புரம் நோக்கி தினசரி பயணிக்கின்றனர். தற்போது பர்பிள் லைன் மெட்ரோ வழித்தடத்தில் பையப்பனஹள்ளி முதல் கே.ஆர்.புரம் வரையிலான பகுதியில் மட்டும் ரயில் சேவை இல்லை.
முழு வீச்சில் பர்பிள் லைன்இதன் வழித்தடப் பணிகள் முடிவுக்கு வந்துள்ள நிலையில் விரைவில் மெட்ரோ ரயில்கள் இயக்கப்படும் என எதிர்பார்க்கப்படுகிறது. இது மட்டும் அமலுக்கு வந்தால் பர்பிள் லைன் முழு வீச்சில் செயல்படத் தொடங்கிவிடும். இது ஓ.ஆர்.ஆர், ஒயிட்ஃபீல்டு பகுதியில் அமைந்துள்ள ஐடி நிறுவனங்களுக்கு செல்லும் ஊழியர்கள் மிகவும் மகிழ்ச்சி அடைவர்.