‘ஜெயிலர்’ படத்தின் பிரம்மாண்ட வெற்றியை தொடர்ந்து இசையமைப்பாளர் அனிருத் ரவிச்சந்தருக்கு பரிசுகளை வாரி வழங்கியுள்ளார் தயாரிப்பாளர் கலாநிதி மாறன்.
இமாலய வெற்றிகடந்த மாதம் 10 ஆம் தேதி வெளியான ‘ஜெயிலர்’ படம் தொடர்ந்து வசூல் சாதனை படைத்து வருகிறது. படத்தின் இமாலய வெற்றியால் சன் பிக்சர்ஸ் நிறுவனத்திற்கு மிகப்பெரிய லாபம் கிடைத்துள்ளது. இதனால் குஷியான தயாரிப்பாளர் கலாநிதி மாறன், படக்குழுவினருக்கு பரிசுகளை வாரி வழங்கி வருகிறார். அந்த வகையில் தற்போது ‘ஜெயிலர்’ இசையமைப்பாளர் அனிருத் ரவிச்சந்தருக்கு ஸ்பெஷல் கிப்ட் கொடுத்துள்ளார்.
எகிறிய வசூல்’ஜெயிலர்’ படத்தின் பிரம்மாண்ட வெற்றியால் மீண்டும் கோலிவுட் சினிமாவில் தான் ஒரு கிங் என்பதை நிரூபித்துள்ளார் ரஜினிகாந்த். அந்தளவிற்கு வரலாற்று சாதனை படைத்துள்ளது இந்தப்படம். தமிழ் மட்டுமல்லாமல் அண்டை மாநிலங்களிலும் படத்திற்கு அமோக வரவேற்பு கிடைத்ததால், படத்தின் வசூல் பல மடங்கு எகிறியது.
கலாநிதி மாறன்’ஜெயிலர்’ படத்தின் மிகப்பெரிய வெற்றியால் சன் பிக்சர்ஸ் நிறுவனம் அதிக லாபத்தை பார்த்துள்ளது. இதனை தொடர்ந்து கடந்த சில தினங்களுக்கு முன்பாக ரஜினியை நேரில் சந்தித்து செக் மற்றும் காரை பரிசாக வழங்கினார் தயாரிப்பாளர் கலாநிதி மாறன். அதன்பின்னர் இயக்குனர் நெல்சன் திலீப்குமாருக்கும் காசோலை, காரை பரிசாக கொடுத்தார்.
அனிருத் ரவிச்சந்தர்இதனையடுத்து படத்தின் வெற்றிக்கு மிகப்பெரிய தூணாக இருந்த இசையமைப்பாளர் அனிருத் ரவிச்சந்தருக்கு பரிசு எதுவும் இல்லையா என ரசிகர்கள் தொடர்ச்சியாக கேள்வி எழுப்பி வந்தனர். இது தொடர்பாக மீம்ஸ் எல்லாம் சோஷியல் மீடியாவில் பறந்தது. இந்நிலையில் தான் தற்போது இசையமைப்பாளர் அனிருத் ரவிச்சந்தருக்கும் செக் மற்றும் porsche ரக காரை வழங்கியுள்ளார் கலாநிதி மாறன். இது தொடர்பான போட்டோஸ் தற்போது சோஷியல் மீடியாவில் வைரலாகி வருகிறது.
தலைவர் 170அனிருத் விஷயத்தில் ரசிகர்கள் ஆசைப்பட்டதை போல் நடந்துள்ளதால் அனைவரும் குஷியாகியுள்ளனர். ‘ஜெயிலர்’ படத்தினுடைய வெற்றியை தொடர்ந்து த.செ. ஞானவேல் இயக்கத்தில் ‘தலைவர் 170’ படத்தில் நடிக்கவுள்ளார் ரஜினிகாந்த். ‘ஜெய் பீம்’ படத்தை தொடர்ந்து ரஜினியை, ஞானவேல் இயக்கவுள்ளார். விரைவில் படப்பிடிப்பு துவங்கவுள்ள இந்தப்படத்திற்கு ரசிகர்களிடையே பெரும் எதிர்பார்ப்பு நிலவி வருவது குறிப்பிடத்தக்கது.