தெலுங்கானா மாநிலம் ஹைதராபாத்தில் உள்ள சாலை போக்குவரத்து ஆணையத்தில் மாதம் தோறும் நம்பர் பிளேட்டுகள் ஏலம் நடத்தப்படுகிறது. இதில் தங்களுக்கு பிடித்த நம்பர், ராசியான நம்பர், ஃபேன்ஸி நம்பர் போன்றவற்றை ஏராளமானோர் பங்கேற்று வாங்கி வருகின்றனர்.
இந்த ஏலத்தில் பெரும்பாலும் ரியல் எஸ்டேட் முதலாளிகள், நகை வியாபாரிகள் மற்றும் தனியார் குழுக்களை சேர்ந்தவர்கள் பங்கேற்று தங்களுக்கு வேண்டிய நம்பர் பிளேட்டையும் ஆடம்பரமான ஆர்டிஏ பதிவு எண்களையும் பெற்று வருகின்றனர்.
தித்திக்குதே 2.0 வேணும்… ஸ்ரீதேவி விஜயகுமாரிடம் அடம்பிடிக்கும் ரசிகாஸ்!
நகரின் விஐபி கலாச்சாரத்தின் ஒரு பகுதியாக மக்கள் ஃபேன்ஸி நம்பர்களை வாங்க ஆர்வம் காட்டி வருகின்றனர். இதனால் மாதம் தோறும் நடைபெறும் இந்த நம்பர் பிளேட்டுக்கான ஏலத்தில் பங்கேற்பவர்களின் எண்ணிக்கை அதிகரித்த வண்ணம் உள்ளது.
அந்த வகையில் ஹைதராபாத்தில் உள்ள ஆர்டிஏ அலுவலகத்தில் நடைபெற்ற ஏலத்தில் TS 11Z 9999 என்ற நம்பர் பிளேட் 9,99,999 ரூபாய்க்கு விற்கப்பட்டது. சர்ச் எஜுகேஷனல் சொசைட்டியை சேர்ந்தவர்கள் சுமார் 10 லட்சம் ரூபாய் கொடுத்து இந்த ஃபேன்ஸி நம்பர் பிளேட்டை பெற்றுள்ளனர். இவ்வளவு பெரிய தொகையை கொடுத்து அவர்கள் இந்த நம்பர் பிளேட்டை பெற்றது அனைவரையும் ஆச்சரியத்தில் ஆழ்த்தியது.
தம்பியை கொன்று புதைத்து.. மாங்கன்று நட்ட அண்ணன்.. ஆடிப்போன கேரளா!
காமினேனி சாய் சிவநாகு என்ற மற்றொரு நபர் TS 11 FA 0001 என்ற ஃபேன்சி எண்ணை 3.50 லட்சம் ரூபாய்க்கு வாங்கியுள்ளார். அதேபோல், TS FA 0011 என்ற எண்ணை ரூ.1,55,400க்கு ஷியாமலா ரோஹித் ரெட்டி என்பவர் ஏலத்தில் பெற்றார். ஏலம் மூலம் ஆர்டிஏ கருவூலத்திற்கு மொத்தம் ரூ.18,02,970 வருவாய் கிடைத்ததாக போக்குவரத்து அதிகாரிகள் தெரிவித்துள்ளனர்.
கடந்த மாதம் நடைபெற்ற ஏலத்தில் TS 09 GD 9999 என்ற எண்ணை பிரைம் சோர்ஸ் குளோபல் சர்வீசஸ் பிரைவேட் லிமிடெட் நிறுவனத்தை சேர்ந்தவர்கள் 21.6 லட்சம் ரூபாய்க்கு பெற்றனர். இதுதான் இதுவரை அதிக தொகைக்கு போன நம்பர் பிளேட் என்ற சாதனையையும் படைத்தது குறிப்பிடத்தக்கது.
ஒரு வழியா தேதி குறிச்சாச்சு… நாளை விண்ணில் பாய்கிறது ஜப்பானின் ‘ஸ்லீம்’.. நிலவில் தரையிறங்குவது எப்போது?