குருவாயூர் எக்ஸ்பிரஸ் செப்டம்பர் 11, மற்றும் செப்டம்பர் 25ஆம் தேதி ஆகிய இரு நாள்களில் முக்கிய மாற்றத்தை தெற்கு ரயில்வே அறிவித்துள்ளது.
கல்வி, வேலைவாய்ப்பு, தொழில் உள்ளிட்ட பல்வேறு காரணங்களுக்காக பயணம் மேற்கொள்ளும் மக்கள் பாதுகாப்பு, வசதி, கட்டணம் குறைவு போன்ற காரணங்களுக்காக ரயில் சேவையை நாடுகின்றனர். மாநிலத்தின் ஒரு முனையிலிருந்து மற்றொரு முனைக்கு தினமும் பல ஆயிரக்கண்க்கான மக்கள் ரயில்களில் பயணம் செய்து வருகின்றனர்.
சென்னையிலிருந்து தென் மாவட்டங்களுக்கு தினமும் நெல்லை எக்ஸ்பிரஸ், முத்துநகர் எக்ஸ்பிரஸ், கன்னியாகுமரி எக்ஸ்பிரஸ், அனந்தபுரி எக்ஸ்பிரஸ், குருவாயூர் எக்ஸ்பிரஸ் உள்ளிட்ட சில ரயில்கள்கள் இயக்கப்பட்டு வருகின்றன. இவற்றில் அனந்தபுரி எக்ஸ்பிரஸும், குருவாயூர் எக்ஸ்பிரஸும் தமிழ்நாடு கடந்து கேரளாவிலும் பல நகரங்களை கடந்து செல்கின்றன.
மற்ற ரயில்கள் அனைத்தும் மாலை நேரத்தில் கிளம்பும்போது குருவாயூர் எக்ஸ்பிரஸ் காலையில் கிளம்புவதால் பகல் நேரத்தில் பயணம் செய்ய விரும்புபவர்கள் குருவாயூர் எக்ஸ்பிரஸ் ரயிலை அதிகம் நாடுகின்றனர்.
ஜாதி மதத்தை வைத்து பேசுபவர்களை மக்கள் புறக்கணிக்க வேண்டும்.
எழும்பூரில் காலை 9.45 மணிக்கு கிளம்பும் ரயில் திருச்சி, மதுரை வழியாக பயணித்து திருநெல்வேலியை இரவு 8.35 மணிக்கும் நாகர்கோவிலை 10.35 மணிக்கும் கடக்கும். நள்ளிரவு 12.20 மணிக்கு திருவனந்தபுரம் கடந்து செல்லும் குருவாயூர் கேரளாவில் வர்கலா, பரவூர், கொல்லம், ஆலப்புழா, எர்ணாகுளம், அங்கமாலி, திருச்சூர் என பயணித்து மறுநாள் காலை 7.40 மணிக்கு குருவாயூர் சென்று சேரும்.
குருவாயூரிலிருந்து இரவு 7.35 மணிக்கு கிளம்பும் அதே பாதையில் பயணித்து மறுநாள் காலை 6.05 மணிக்கு நாகர்கோவிலை கடந்து செல்லும். இரவு 8.45 மணிக்கு சென்னை எழும்பூரை வந்தடையும்.
தற்போது இந்த ரயில் சேவையில் சிறு மாற்றத்தை தெற்கு ரயில்வே அறிவித்துள்ளது. தெற்கு ரெயில்வேக்கு உட்பட்ட திருவனந்தபுரம் கோட்டத்தில் ஆலுவா-கலமசேரி இடையே உள்ள ரயில் பாலத்தில் பராமரிப்பு பணிகள் நடைபெற்று வருகின்றன. இதற்காக அந்த பாதையில் இயக்கப்படும் ரயில்களின் போக்குவரத்தில் மாற்றம் செய்யப்பட்டுள்ளது.
அந்த வகையில் சென்னையில் இருந்து மதுரை, திருநெல்வேலி, நாகர்கோவில், திருவனந்தபுரம் வழியாக குருவாயூர் வரை இயக்கப்படும் ரயில் (வ.எண்.16127) வருகிற செப்டம்பர் 11ஆம் தேதி மற்றும் செப்டம்பர் 25ஆம் தேதிகளில் எர்ணாகுளம் வரை மட்டும் இயக்கப்படும்.
இந்த ரயில் சேவையில் செப்டம்பர் 11, செப்டம்பர் 25 ஆகிய இரு நாள்களில் எர்ணாகுளம்-குருவாயூர் இடையே மட்டும் ரத்து செய்யப்படுவதாக அறிவிக்கப்பட்டுள்ளது.