வந்தே பாரத் எக்ஸ்பிரஸ் ரயில் சேவை அமல்படுத்தப்பட்ட பின்னர், ஒவ்வொரு மாநில மக்களும் தங்கள் பகுதிக்கு எப்போது வரும் என்ற எதிர்பார்ப்புடன் காத்திருக்க ஆரம்பித்து விட்டனர். அதில் தமிழகமும் விதிவிலக்கல்ல. இதுவரை அறிமுகம் செய்யப்பட்டுள்ள 25 வந்தே பாரத் எக்ஸ்பிரஸ் ரயில்களில் தமிழகத்திற்கு கிடைத்த எண்ணிக்கை 2. அவை சென்னை சென்ட்ரல் டூ மைசூரு, சென்னை சென்ட்ரல் டூ கோவை ஆகும்.
சென்னை டூ நெல்லை வந்தே பாரத் எக்ஸ்பிரஸ்அடுத்தகட்டமாக பயன்பாட்டிற்கு வரவுள்ள வந்தே பாரத் எக்ஸ்பிரஸ் ரயில்களை கவனித்தால் பெரிய லிஸ்ட்டே போட்டு விடலாம். அதில் கூடிய விரைவில் வரக்கூடிய வந்தே பாரத் எக்ஸ்பிரஸ் ரயில் எது என்று கேட்டால் சென்னை எழும்பூர் டூ நெல்லை தான். இந்த ரயில் பயன்பாட்டிற்கு வருகிறது என கடந்த சில மாதங்களாகவே பேச்சு அடிபட்ட வண்ணம் உள்ளது. ஆனால் அதிகாரப்பூர்வ அறிவிப்பு ஏதும் வரவில்லை.தெற்கு ரயில்வே அதிகாரிகள் தகவல்இருப்பினும் அதற்கான ஏற்பாடுகள் தீவிரமாக நடந்து வருவதாக தெற்கு ரயில்வே அதிகாரிகள் கூறி வருகின்றனர். வழித்தட மேம்பாடு, ரயில் நிலைய வசதிகள், சிக்னலிங் தொழில்நுட்பம் ஆகிய விஷயங்களில் களப்பணிகள் முடுக்கி விடப்பட்டுள்ளன. இதற்கிடையில் சென்னை டூ நெல்லை வந்தே பாரத் எக்ஸ்பிரஸ் ரயில் பயன்பாட்டிற்கு வருவதில் இரண்டு முக்கியமான அப்டேட்கள் இருப்பதாக தகவல்கள் தெரிவிக்கின்றன.
விழுப்புரம் வரையிலான கட்டமைப்புஒன்று, நெல்லை ரயில் நிலையத்தில் வந்தே பாரத் எக்ஸ்பிரஸ் ரயிலை நிறுத்தி வைப்பதற்கு பிரத்யேக பிட்லைன் அமைக்கப்பட வேண்டும். இதற்காக தெற்கு ரயில்வே நிர்வாகத்திடம் அனுமதி கோரப்பட்டது. அவர்கள் அனுமதி அளித்ததன் பேரில் கட்டுமானப் பணிகள் முடுக்கி விடப்பட்டுள்ளன. இரண்டு, சென்னை டூ விழுப்புரம் இடையிலான வழித்தடத்தில் 130 கிலோமீட்டர் வேகத்தில் ரயில்கள் இயக்கப்படுவதை தாங்கும் வகையில் கட்டமைப்பை மேம்படுத்துவது.
நவம்பரா? டிசம்பரா?இதற்கான பணிகளும் ஒருபக்கம் மும்முரமாக நடந்து வருகின்றன. மேற்குறிப்பிட்ட இரண்டு விஷயங்களும் முடிவுக்கு வந்த பின்னர், நவம்பர் மாத இறுதி வாரம் அல்லது டிசம்பர் முதல் வாரத்தில் சென்னை டூ நெல்லை வந்தே பாரத் எக்ஸ்பிரஸ் ரயில் இயக்கப்படக்கூடும் என்று கூறுகின்றனர். அதிவேக வந்தே பாரத் எக்ஸ்பிரஸ் போன்ற ரயில் சேவைகள் தென் மாவட்டங்களுக்கு வரும்பட்சத்தில் வளர்ச்சியும் கூடவே வரக்கூடும்.
தென் மாவட்டங்களின் வளர்ச்சிதமிழக அரசு ஏற்கனவே தென் மாவட்டங்களின் தொழில் வளர்ச்சிக்கு அதிக முக்கியத்துவம் கொடுத்து வருகிறது. புதிய நிறுவனங்கள், வேலைவாய்ப்பு ஆகியவற்றை பெருக்கி அதற்கேற்ப உள்கட்டமைப்பு வசதிகளையும் கொண்டு வரவுள்ளது. இந்த சூழலில் போக்குவரத்து வசதிகளும் அதிகம் தேவைப்படும். அதற்கு சென்னை டூ நெல்லை வந்தே பாரத் எக்ஸ்பிரஸ் ரயில் அச்சாரம் போட்டதை போல அமையும் என்கின்றனர் தொழில் துறையினர்.
6தமிழகத்திற்கு வரவுள்ள புதிய வந்தே பாரத் எக்ஸ்பிரஸ் ரயில்கள் எனத் தேடிப் பார்த்தால் பெங்களூரு டூ கோவை, சென்னை சென்ட்ரல் டூ செகந்திராபாத், சென்னை எழும்பூர் டூ கன்னியாகுமரி, திருப்பதி டூ சென்னை டூ புதுச்சேரி ஆகிய வழித்தடங்கள் கிடைத்தன.
இதுதவிர குறுகிய தூரம் பயணம் செய்யும் வகையில் சென்னை டூ திருப்பதிக்கு வந்தே மெட்ரோ ரயில் சேவையும் வரவுள்ளது. தற்போது வரை பயன்பாட்டிற்கு வந்துள்ள வந்தே பாரத் எக்ஸ்பிரஸ்கள் அனைத்தும் இருக்கை வசதிகள் மட்டுமே கொண்டிருக்கின்றன. கூடிய விரைவில் படுக்கை வசதிகளுடன் கூடிய ரயில்களை அறிமுகம் செய்ய இந்திய ரயில்வே ஆலோசித்து வருகிறது.