நியூடெல்லி: ஐசிசி ஆடவர் ஒருநாள் உலகக் கோப்பை 2023க்கான டிக்கெட்டுகளை முன்பதிவு செய்யும் போது இந்திய ரசிகர்கள் பெரும் சிரமங்களை எதிர்கொண்டதை அடுத்து, இந்திய கிரிக்கெட் கட்டுப்பாட்டு வாரியம் (BCCI) ஒரு மகிழ்ச்சியான செய்தியைக் கொண்டு வந்துள்ளது. இந்த மெகா நிகழ்வுக்காக மொத்தம் 4 லட்சம் டிக்கெட்டுகளை பிசிசிஐ வெளியிடவுள்ளது. பிசிசிஐ வெளியிட்டுள்ள அறிக்கையில், அதிக ரசிகர்களை போட்டி நடைபெறும் மைதானத்திற்கு வரவைப்பது முன்னுரிமையாக உள்ளது என தேசிய கிரிக்கெட் வாரியம் தெரிவித்துள்ளது.
உலகக் கோப்பைக்கான டிக்கெட்டுகளின் பொது விற்பனை செப்டம்பர் 8, 2023 அன்று இந்திய நேரப்படி இரவு 8 மணிக்கு தொடங்கும் என்று BCCI தெரிவித்துள்ளது. டிக்கெட்டுகள் https://tickets.cricketworldcup.com மூலம் நடைபெறும்.
“ரசிகர்கள் தான் போட்டியின் இதயத் துடிப்பு என்பதை பிசிசிஐ ஆழமாக ஒப்புக்கொள்கிறது, மேலும் அவர்களின் அசைக்க முடியாத ஆர்வம், ஈடுபாடு மற்றும் பங்களிப்புகள் 2023 ஐசிசி ஆடவர் கிரிக்கெட் உலகக் கோப்பையின் வெற்றிக்கு முக்கியமானது” என்று வாரியம் ஒரு அறிக்கையில் தெரிவித்துள்ளது.
NEWS
BCCI set to release 400,000 tickets in the next phase of ticket sales for ICC Men’s Cricket World Cup 2023. #CWC23
More Details https://t.co/lP0UUrRtMz pic.twitter.com/tWjrgJU51d
— BCCI (@BCCI) September 6, 2023
அக்டோபர் 5 முதல் நவம்பர் 19 வரை 10 மைதானங்களில் நடைபெறும் இந்த மிகப்பெரிய கிரிக்கெட் உலகக் கோப்பையில் பத்து அணிகள் பங்கேற்கும். அஹமதாபாத்தில் உள்ள நரேந்திர மோடி ஸ்டேடியத்தில் போட்டியின் தொடக்க மற்றும் இறுதிப் போட்டி நடைபெறும்.
46 நாட்களில் மொத்தம் 48 போட்டிகள் நடைபெறும். ODI உலகக் கோப்பை அக்டோபர் 5 ஆம் தேதி அகமதாபாத்தில் உள்ள நரேந்திர மோடி ஸ்டேடியத்தில் 2019 இறுதிப் போட்டியாளர்களான இங்கிலாந்து மற்றும் நியூசிலாந்து மோதுகிறது, நிகழ்வு நவம்பர் 19, ஞாயிற்றுக்கிழமை அதே இடத்தில் இறுதிப் போட்டியுடன் முடிவடைகிறது. அக்டோபர் 8-ம் தேதி சென்னையில் நடக்கும் ஆஸ்திரேலியாவுக்கு எதிரான ஆட்டத்தில் இந்தியா தனது முதல் போட்டியில் விளையாடும்.
அக்டோபர் 14 அன்று அகமதாபாத்தில் உள்ள நரேந்திர மோடி ஸ்டேடியத்தில் நடைபெற்ற இந்தியா-பாகிஸ்தான் போட்டிக்கான டிக்கெட்டுகள் கருப்புச் சந்தையில் ரூ. 50 லட்சத்திற்கும் அதிகமாக விற்கப்பட்டதாக சில தகவல்கள் தெரிவிக்கின்றன. இது தொடர்பாக ரசிகர்கள் இணையத்தில் கடுமையான எதிர்வினைகளை பதிவிட்டு வருவதால், அதிகப்படியான விலை நிர்ணயம் சமூக ஊடகங்களில் புயலை ஏற்படுத்தியுள்ளது.
முன்னதாக, இந்திய முன்னாள் வேகப்பந்து வீச்சாளர் வெங்கடேஷ் பிரசாத், உலகக் கோப்பை டிக்கெட் முறையில் வெளிப்படைத்தன்மையை கொண்டு வருமாறு பிசிசிஐக்கு கோரிக்கை விடுத்திருந்தார். நடைமுறையில் உள்ள அமைப்பை விமர்சித்த பிரசாத், ரசிகர்களுக்கு முடிந்தவரை பல டிக்கெட்டுகள் கிடைப்பதை உறுதிசெய்வதற்காக பிசிசிஐ ரசிகர்களை சாதாரணமாக எடுத்துக்கொள்ளக்கூடாது என்று கூறினார்.
I urge the @BCCI to have more transparency in the World Cup ticketing system and not take fans for granted. Definitely in a stadium like Ahmedabad, for an #IndvsPak clash more than the sold 8500 tickets need to be available when the capacity is 1 lakh + . Likewise for all other…
— Venkatesh Prasad (@venkateshprasad) September 4, 2023
“உலகக் கோப்பை டிக்கெட்டுகளைப் பெறுவது எப்போதுமே எளிதானது அல்ல. ஆனால் இந்த முறை முன்பை விட கடினமாக உள்ளது. சிறப்பாகத் திட்டமிட்டிருக்கலாம், அதிக நம்பிக்கையுடன், டிக்கெட்டுகளைப் பெறுவதற்குப் போராடிய ரசிகர்களுக்காக நான் வருத்தப்படுகிறேன். முக்கியமான பங்குதாரர்களான ரசிகர்களுக்கு மதிப்பளிக்க வேண்டும். டிக்கெட் வாங்க விரும்பும் ரசிகர்களுக்கு அந்த நடமுறையை BCCI சுலபமாக்கும் என்று நம்புகிறேன்” என்று பிரசாத் X இல் பதிவிட்டிருந்தார்.