ஐஸ்வர்யா லக்ஷ்மிஐஸ்வர்யா லக்ஷ்மி கேரளாவை பூர்வீகமாய் கொண்டவர். இவர் மருத்துவ படிப்பை முடித்திருக்கிறார். நல்ல மருத்துவராக சேவை செய்ய வேண்டும் என்றே இவரும் இவரின் பெற்றோரும் விரும்பினார்கள். இவர் மாடலிங் மீது ஆர்வம் கொண்டவர். சில விளம்பர படங்களிலும் இவர் நடித்திருக்கிறார். கொஞ்சமும், இவர் எதிர்பார்க்காத வகையில், இப்பொது இளைஞர்களின் கனவு நாயகியாக வளம் வந்துக்கொண்டிருக்கிறார்.
இவரின் பெயருக்கான காரணம்ஐஸ்வர்யாவின் அம்மாவிற்கு ஐஸ்வர்யா என்ற பெயர் வைக்க வேண்டும் என ஆசை. அவரின் அப்பாவிற்கு ஸ்ரீ லக்ஷ்மி என்னும் பெயர் வைக்க ஆசை. இருவரின் ஆசையும் இணைந்து ஐஸ்வர்யா லக்ஷ்மி என பெயர் வைத்தார்களாம் ஐஸ்வர்யாவின் பெற்றோர்.
சினிமா என்ட்ரிMBBS படிப்பை எர்ணாகுளத்தில் உள்ள ஒரு மருத்துவ கல்லூரியில் முடித்துவிட்டு, நண்பர்களுடன் சேர்ந்து அங்கிருக்கும் கஃபேகளுக்கு சென்றிருந்தார். அப்போது, அங்கு நிவின் பாலியின் படத்தில் நடிக்க நடிகை தேவை என்னும் விளம்பரம் இருந்தது. முயற்சி செய்துதான் பார்க்கலாமே என தனது போட்டோஸை அனுப்பியுள்ளார் ஐஸ்வர்யா. ஐஸ்வர்யாவுக்கு நிவின் பாலியுடன் நடிக்கும் வாய்ப்பு கிடைத்தது. இதுவே அவரின் முதல் படமும் ஆனது.
ஹீரோயின்பெரும்பாலும் மலையாள படங்களில் நடித்து வரும் ஐஸ்வர்யா மாயநதி என்னும் படத்தில், கதாநாயகியாக அறிமுகமானார். அதன் பின்னர் தொடர்ந்து படங்களில் நடித்து வருகிறார். தமிழில், ஆக்ஷன், ஜகமே தந்திரம், புத்தம் புது காலை விடியாதா, கார்கி, கேப்டன், பொன்னியின் செல்வன் பக்கம் 1 மற்றும் 2, கட்டா குஸ்தி போன்ற படங்களில் நடித்துள்ளார்.
கண்டிப்பான அம்மா அப்பாசினிமாவில் கதாநாயகியாக வளம் வரும் இந்த கனவுகன்னிக்கு மிகவும் கண்டிப்பான பெற்றோர்களாம். இவர் சினிமாவிற்கு வந்தது வீட்டில் அம்மா அப்பா என யாருக்குமே பிடிக்கவில்லையாம். மருத்துவருக்கு படித்துவிட்டு, இப்படி சினிமாவிற்கு போய்விட்டாயே என கேட்பார்களாம். மருத்துவருக்கு படித்ததும் நல்ல மருத்துவராக சமூகத்தில் இருக்க வேண்டும் எனவே அவர்கள் ஆசைப்பட்டார்களாம். அனால், ஐஸ்வர்யா லக்ஷ்மியின் ஆசை சினிமாவில் நடிக்க வேண்டும் என ஆனதும், இவரின் சந்தோஷத்தை கண்டு பெற்றோர்களும் சினிமாவில் நடிக்க எதிர்ப்பு தெரிவிப்பதில்லையாம்.
ஐஸ்வர்யா லக்ஷ்மியின் ஃபேவரட்ஸ்ஐஸ்வர்யா லக்ஷ்மிக்கு பிடித்த நடிகை ஷோபனா, பிடித்த நிறம் வெள்ளை, பிடித்த வில்லன் நடிகர் ஃபஹத் ஃபாசில், பிடித்த காமெடி நடிகர் காலி வெங்கட், பிடித்த இயக்குனர் மணிரத்னம், பிடித்த உடை புடவை அதிலும் குறிப்பாக கேரளா புடவை, பிடித்த படம் ராக்கி ஆர் ராணி. நடக்கும் சின்ன சின்ன விஷயங்களிலும் சந்தோஷத்தை காண ஐஸ்வர்யாவிற்கு மிகவும் பிடித்த ஒன்றாம்.
தமிழ் சினிமாவில் ஐஸ்வர்யாமலையாளத்தில் இவர் நடித்த மாயநதி படத்தை பார்த்த பிறகு, தமிழில் ஜகமே தந்திரம் படத்திற்கும், பொன்னியின் செல்வன் படத்தில் நடிப்பதற்கும் இவருக்கு வாய்ப்பு கிடைத்தது. மணிரத்னம் இயக்கத்தில், பொன்னியின் செல்வன் படத்தில் இவர் நடித்திருந்த பூங்குழலி கதாபாத்திரத்திற்கு அலாதியான வரவேற்பும் பாராட்டும் கிடைத்தது. ஆனால், முதலில், இவருக்கு வானதி கதாபாத்திரம்தான் கொடுக்கப்பட்டது, எனினும் பூங்குழலி கதாபாத்திரத்தில் நடிக்கவே ஐஸ்வர்யாவிற்கு அதிக ஆர்வம் இருந்தது.
சர்ப்ரைஸ் கொடுத்த இயக்குனர் மணிரத்னம்பொன்னியின் செல்வன் படத்தில் வானதி கதாபாத்திரமே இவருக்கு கொடுக்கப்பட்டிருந்தது. அனால் பூங்குழலி கதாபாத்திரத்தின் மீது ஐஸ்வர்யாவிற்கு அதிக ஆர்வம் இருந்தது. ஜகமே தந்திரம் படத்தின் படப்பிடிப்புக்காக லண்டனில் இருந்தார் ஐஸ்வர்யா. அப்போது, இவரின் மேனேஜர் கால் செய்து ஒரு முக்கியமான மற்றும் சந்தோஷமான விஷயம் சொல்ல வேண்டும் என கூற, பூங்குழலி கதாபாத்திரத்தை மணி சார் கொடுத்துவிட்டாரா என மகிழ்ச்சியாக கேட்டிருக்கிறார் ஐஸ்வர்யா.
கட்டா குஸ்தியில்கட்டா குஸ்தி போன்ற முக்கிய படத்தில் ஹீரோயின் கதாபாத்திரத்தில் நடித்தது ஐஸ்வர்யாவிற்கு மறக்க முடியாத ஒரு விஷயமாக அவர் எப்போதுமே கூறுகிறார். இந்த மாதிரியான நல்ல கதைகள் கிடைத்தால் நன்றாக இருக்கும் எனவும் அவர் கூறியிருக்கிறார்.
பர்த்டே ஏன்ஜெல்தமிழ். மலையாளம், தெலுங்கு படங்களில் நடித்து வருகிறார் ஐஸ்வர்யா. சமீபத்தில், நடிகர் துல்கர் சல்மானுடன் இணைந்து கிங் ஆஃப் கோதா என்னும் படத்தில் நடித்தார். நல்ல நடிகர்களுடன் நல்ல கதையில் நடிக்கவே ஆர்வம் இருக்கிறதாம் இவருக்கு. எனினும், இன்று பிறந்தநாள் காணும் பூங்குழலிக்கு ஸ்டேட்டஸ் மற்றும் ஸ்டோரியில் ரயில் விட்டுக்கொண்டிருக்கிறார்கள் ரசிகர்கள்.