செப்டம்பர் 12ம் தேதி ஆப்பிள் இன்க் நிறுவனத்தின் வருடாந்திர நிகழ்வு நெருங்கி கொண்டிருக்கும் இதே வேளையில் ஐபோன் 15 சீரிஸ் மொபைல்களில் இடம்பெறப்போகும் சிறப்பம்சங்கள் குறித்த தகவல்களும் இணையத்தில் வேகமாக பரவி வருகின்றன. அப்படி சமீபத்தில் டெக் வல்லுநர் ஒருவர் வெளியிட ஐபோன் 15 கேமரா குறித்த தகவல்கள் மற்றும் இதர சிறப்பம்சங்களின் விவரங்கள் குறித்து இந்த தொகுப்பில் பார்க்கலாம்.
ஐபோன் 15 சீரிஸ் கேமராக்கள்MacRumors சமீபத்திய ரிப்போர்ட் படி, ஐபோன் 15 மற்றும் ஐபோன் 15 பிளஸ் ஆகிய மொபைல்களில் 48மெகாபிக்ஸல் பிரைமரி கேமரா சென்சார் இடம்பெற உள்ளதாகவும், 12 மெகாபிக்ஸல் அல்ட்ரா வைட் ஆங்கிள் லென்ஸ் கேமரா இடம்பெறும் எனவும் தகவல்கள் பரவி உள்ளன. ஐபோன் 14 மாடலின் மெயின் கேமராவே 12 மெகாபிக்ஸல் என்பது குறிப்பிடத்தக்கது.
ஐபோன் 15 லான்ச்செப்டம்பர் 12ம் தேதி ஆப்பிள் இன்க் நிறுவனம் அதன் வருடாந்திர நிகழ்வுக்கு அழைப்பு விடுத்திருக்கிறது. இதில், ஐபோன் 15 சீரிஸ் மொபைல்கள் வெளியாக உள்ளதாக உறுதியான தகவல்கள் பரவி வருகின்றன. இந்நிலையில், இந்த சீரிஸில், நான்கு மாடல்கள் வெளியாக வாய்ப்புள்ளதாக எதிர்பார்க்கப்படுகிறது. அதன்படி, ஐபோன் 15, ஐபோன் 15 ப்ளஸ், ஐபோன் 15 ப்ரோ மற்றும் ஐபோன் 15 ப்ரோ மேக்ஸ் ஆகிய மாடல்கள் வெளியாகலாம். மேலும், இவற்றில் இடம்பெற்றுள்ள டைட்டானியம் ஃப்ரேம் ஆகிய காரணங்களால் ஐபோன் 14ஐ விட இவற்றின் தயாரிப்பு செலவே அதிகமானதாக இருக்கும் என்று தகவல்கள் பரவியுள்ளது.
ஐபோன் 15 ப்ரோ மாடல் கேமராக்கள்மேலும் அந்த ரிப்போர்ட் கொடுத்துள்ள தகவல்களின்படி, ஐபோன் 15 ப்ரோ மற்றும் ப்ரோ பிளஸ் மாடல்களில் 48 மெகாபிக்ஸல் Sony IMX803 மெயின் கேமரா மற்றும் 12.7 மெகாபிக்ஸல் லென்ஸ் டெலிபோட்டோ கேமரா, 13.4 மெகாபிக்ஸல் லென்ஸ் அல்ட்ரா வைட் ஆங்கிள் கேமரா இடம்பெறலாம் என்றும் எதிர்பார்க்கப்படுகிறது. மேலும், இதன் உயர்ரக மொபைலான ப்ரோ பிளஸ் மாடலில் பெரிஸ்கோப் டெலிபோட்டோ லென்ஸ் இடம்பெறவும் வாய்ப்புள்ளதாக தகவல் கசிந்துள்ளது.
ஐபோன் 15 குறித்த இதர விவரங்கள்இந்த முறை ஐபோனில் இடம்பெற போகும் புதிய Titanium Chassis காரணத்தால் ஐபோன் 15-யின் எடை குறையலாம் என்று எதிர்பார்க்கப்படுகிறது. மேலும், இந்த முறை ஐபோன் உற்பத்தி இந்தியாவில் நடைபெறுவதால் உலக அளவில் வெளியாகும் போதே இந்தியாவிலும் ஐபோன் 15 சீரிஸ் வெளியாக வாய்ப்புள்ளதாக டெக் வல்லுநர்கள் கூறி வருகின்றனர்.