தளபதி விஜய்யின் மகனான சஞ்சய் அப்பாவைப்போலவே தானும் சினிமா துறையில் கால்பதிக்க இருக்கின்றார். ஆனால் நடிகராக இல்லாமல் ஒரு இயக்குனராக சஞ்சய் களமிறங்க இருக்கின்றார். இதுவே பலருக்கு ஆச்சர்யமான விஷயமாக இருக்கின்றது. பொதுவாக சினிமா நட்சத்திரங்களின் வாரிசுகள் நடிக்கவே விரும்புவார்கள். ஒரு சிலரை தவிர இதுவரை சினிமா பிரபலங்களின் வாரிசுகள் நடிகராகவே அறிமுகமாகியுள்ளனர்.
ஆனால் விஜய்யின் மகனான சஞ்சய் ஒரு நடிகராக இல்லாமல் இயக்குனராக களமிறங்க இருப்பது அனைவரது எதிர்பார்ப்பையும் அதிகரித்துள்ளது. இதற்காக அவர் அயல்நாட்டில் பட்டப்படிப்பை எல்லாம் படித்து தேர்ச்சியாகி ஒரு இயக்குனராக களம் காண இருக்கின்றார். இவரின் முதல் திரைப்படத்தை பிரபல தயாரிப்பு நிறுவனமாக லைக்கா தான் தயாரிக்க இருக்கின்றது.
சஞ்சய்க்கு பிடித்த ஹீரோ
ஆனால் இப்படத்தில் நடிக்கப்போகும் நடிகர்கள் யார் என்பதை பற்றியெல்லாம் இதுவரை எந்த தகவலும் வெளியாகவில்லை. இருப்பினும் விஜய் சேதுபதி தான் சஞ்சய்யின் படத்தில் நடிக்க இருப்பதாக ஒரு சிலர் பேசி வருகின்றனர். ஏனென்றால் தனக்கு விஜய் சேதுபதி தான் மிகவும் பிடிக்கும் என பலமுறை சஞ்சையே சொல்லியிருக்கின்றார்.
HBD Mammootty: சினிமா எல்லாம் வேண்டாம்ப்பா..மம்மூட்டியை நடிக்க வேண்டாம் என்ற பெற்றோர்..ஏன் தெரியுமா ?
இந்நிலையில் ஒரு சிலரோ கவின் தான் சஞ்சய்யின் இயக்கத்தில் நடிக்க இருக்கின்றார் என்றும் கூறி வருகின்றனர். இதெல்லாம் ஒருபக்கம் இருக்க அதிகாரபூர்வ அறிவிப்பு வந்தால் மட்டுமே சஞ்சய்யின் இயக்கத்தில் நடிக்கப்போகும் ஹீரோ யார் என உறுதியாக தெரியவரும். இதையடுத்து சஞ்சய்க்கு சிறு வயதில் எந்த ஹீரோவை மிகவும் பிடிக்கும் என ஒருமுறை விஜய்யே ஒரு பேட்டியில் கூறியுள்ளார்.
ஜீவா
ஷங்கரின் இயக்கத்தில் வெளியான நண்பன் படத்தில் விஜய் நடிகர் ஜீவாவுடன் இணைந்து நடித்திருந்தார். அப்போது இப்படத்தின் ப்ரோமோஷன் நிகழ்ச்சிகளில் விஜய் பங்கேற்றபோது, என் பையனுக்கு ஜீவாவை ரொம்ப பிடிக்கும் என அவரே ஒருமுறை கூறியிருந்தார். இந்த தகவலை ஜீவாவும் ஒரு பேட்டியில் கூறியிருந்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் சஞ்சய் சிறுவயதில் இருக்கும்போது அவருக்கு ஜீவாவை தான் பிடிக்கும் என்பது தற்போது தெரியவந்துள்ளது. இதையடுத்து அவர் இயக்கப்போகும் படத்தில் ஹீரோவாக யார் நடிப்பார் என்ற கேள்வி தான் அனைவரிடமும் தற்போது இருந்து வருகின்றது என்பது குறிப்பிடத்தக்கது.