தமிழ்நாட்டில் கடந்த ஒரு மாதமாக கோடை காலத்தில் வெயில் சுட்டெரிப்பது போல பகல் நேரத்தில் வெப்பம் நிலவி வருகிறது. அதே சமயம் இரவு நேரத்தில் நல்ல மிதமானது முதல் கனமழை பெய்து வருகிறது. பகலில் வெயிலும், இரவில் மழையுமாக இருப்பதால் மக்கள் சிரமத்தை சந்தித்து வருகின்றனர்.
வானிலை எச்சரிக்கைஇந்த நிலையில் மேற்கு திசைவேக மாறுபாடு காரணமாக தமிழகம், புதுச்சேரியில் அடுத்த ஒரு வாரத்திற்கு லேசானது முதல் கன மழைக்கு வாய்ப்பிருப்பதாக வானிலை ஆய்வு மையம் எச்சரிக்கை விடுத்தது. சென்னையில் ஒரு சில இடங்களில் மழை பெய்ய வாய்ப்பிருப்பதாகவும் தெரிவித்திருந்தது.
வெளுத்து வாங்கிய மழைஇந்த நிலையில் சென்னை மற்றும் புறநகர் பகுதிகளில் இன்று மாலை முதல் கன மழை கொட்டித் தீர்த்தது. விடாது பெய்த மழையால் அலுவலகம் சென்றவர்கள் வீடு திரும்ப முடியாத சூழல் ஏற்பட்டது. இடையில் லேசாக விட்ட மழை பிறகு இடி மின்னலுடன் வெளுத்து வாங்க ஆரம்பித்தது.
வாகன ஓட்டிகள் அவதிகன மழை காரணமாக சாலைகளில் தண்ணீர் பெருக்கெடுத்து ஓடியதால் வாகன ஓட்டிகள் மெதுவாக செல்ல வேண்டிய நிலை ஏற்பட்டது. இதேபோலவே சென்னையின் புறநகர் மாவட்டங்களான காஞ்சிபுரம், திருவள்ளூர், செங்கல்பட்டிலும் மழை பெய்தது.
3 மணி நேரத்திற்கான அலெர்ட்இந்த நிலையில் வானிலை ஆய்வு மையம் வெளியிட்ட செய்திக் குறிப்பில், அடுத்த 3 மணி நேரத்திற்கு சென்னை நகரின் பல இடங்களிலும் அரக்கோணம், செங்கல்பட்டு, வாலாஜாபாத், காஞ்சிபுரம், குன்றத்தூர், ஸ்ரீபெரும்புதூர், திருவள்ளூர், வண்டலூர் பகுதிகளில் மிதமான மழை பெய்வதற்கான வாய்ப்பு உள்ளது என்று தெரிவித்துள்ளது.
மாவட்டங்களில் மழை நிலவரம்மேலும், ராணிப்பேட்டை, வேலூர், விழுப்புரம், திருவண்ணாமலை உள்ளிட்ட 22 மாவட்டங்களில் அடுத்த 3 மணிநேரத்துக்கு மழை பெய்ய வாய்ப்பு எனவும் வானிலை மைய அறிவிப்பில் தெரிவிக்கப்பட்டுள்ளது. இதனால் தமிழகத்தில் அடுத்த சில நாட்களுக்கு மழையை எதிர்பார்க்கலாம்.