தமிழ் சினிமாவில் 90 களில் முன்னணி நடிகையாக திகழ்ந்தவர் கெளசல்யா. அழகான க்யூட் நடிகையாக வலம் வந்த கெளசல்யா 90ஸ் கிட்ஸ்களின் பேவரைட் நாயகியாக வலம் வந்தார். இந்நிலையில் நீண்ட இடைவேளைக்கு பிறகு பேட்டி ஒன்றில் தனது சினிமா பயணம் மற்றும் கடந்த கால வாழ்க்கை குறித்து கெளசல்யா பேசியுள்ளது சோஷியல் மீடியாவில் வைரலாகி வருகிறது.
நடிகை கெளசல்யா என்றதும் ரசிகர்களின் நினைவுக்கு வருவது அவரின் க்யூட்டான சிரிப்பு தான். அத்துடன் இவர் நடித்த படங்களின் பாடல்கள் எல்லாம் ரசிகர்களிடையே மிகப்பெரிய பிரபலம். ஒரு மணி அடித்தால் கண்ணே உன் ஞாபகம், பூஜாவா பூஜாவா போன்ற பாடல்களை எல்லாம் ஒரு உதாரணமாக சொல்லலாம்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அத்துடன் விஜய், சூர்யா, பிரபுதேவா, கார்த்திக், உள்ளிட்ட பல முன்னணி நடிகர்களுடன் ஏராளமான வெற்றி படங்களில் நடித்துள்ளார் கெளசல்யா. கடைசியாக ஜெயம் ரவி, ஜெனிலியா நடிப்பில் வெளியான ‘சந்தோஷ் சுப்ரமணியன்’ படத்தில் நடித்திருந்தார் கெளசல்யா. அதன்பிறகு திரைப்படங்களில் இவரை பார்க்கவே முடியவில்லை.
இந்நிலையில் சமீபத்திய பேட்டி ஒன்றில் தன்னுடைய திரையுலக அனுபவம் குறித்து பல விஷயங்களை பேசியுள்ளார் கெளசல்யா. அதன்படி தன்னுடைய திருமணம் பற்றிய வதந்திகள் எல்லாம் பார்க்கும் போது மகிழ்ச்சியாக இருப்பதாக தெரிவித்துள்ளார். தன்னை பற்றி இன்னமும் மறக்காமல், நியாபகம் வைத்து பேசுவது நல்ல விஷயம் தான் எனவும் தெரிவித்துள்ளார்.
ஜெயிலரை தொடர்ந்து வேகமெடுக்கும் ‘லால் சலாம்’: கேப்பே இல்லாமல் மாஸ் காட்டும் ரஜினி.!
இதுவரை திருமணம் செய்து கொள்ளாதது பற்றி பேசிய கெளசல்யா, திருமணம் அழகான ஒரு விஷயம். அதை நான் எதிர்ப்பவள் கிடையாது. எனக்கு ஏற்ற மாதிரி ஒருவரை பார்க்கவில்லை. ஒரு வேலை அப்படி ஒருத்தரை சந்தித்து இருந்தால் திருமணம் செய்திருப்பேன். அப்படி ஒருவர் என் வாழ்க்கையில் இருந்தார். ஆனால் அதுவும் பிரேக்கப்பில் முடிந்து விட்டது. தற்போது பெற்றோருடன் மகிழ்ச்சியாக வாழ்ந்து கொண்டிருக்கிறேன் என்று தெரிவித்துள்ளார்.
மேலும் சினிமாவில் நடித்து கொண்டிருந்த சமயத்தில் உடல்நிலை பிரச்சனை காரணமாக திடீரென உடல் எடை அதிகரித்து விட்டது. தற்போது எல்லா பிரச்சனைகளும் சரியாகி விட்டது. மீண்டும் சினிமாவில் நடிக்க ஆர்வமாக இருக்கிறேன். சரியான வாய்ப்பு கிடைத்தால் நடிப்பேன் என தெரிவித்துள்ளார் கெளசல்யா. அவரின் இந்த பேட்டி தற்போது இணையத்தில் வைரலாகி வருகிறது.
‘ஜவான்’ ரிலீஸ்: அடுத்த நாலு மாசத்துக்கு என் கால்ஷீட் இவுங்களுக்கு தான் – அட்லீ